Шурӯъ аз моҳи феврали соли равон дар Тоҷикистон телефонҳои «хатти фаврӣ» (горячая линия) барои ҷабрдидагон аз шиканҷа ба фаъолият оғоз карданд.
Шаҳрвандоне, ки бо ҳодисаҳои истифодаи шиканҷа ва усулҳои ғайриқонунии роҳандозии тафтишот дучор омаданд ё хешовандону наздикони онҳо дар ҳама гуна вақт метавонанд ба рақамҳои «хатти фаврӣ» дар вилояти Суғд – (98) 882 37 96 ва шаҳри Душанбе, ноҳияҳои тобеи марказ ва вилояти Хатлон – (98) 882 37 97 занг зада, дар ин хусус маълумот диҳанд.
Телефонҳои «хатти фаврӣ» дар доираи татбиқи лоиҳаи «Мубориза бар зидди шиканҷа дар Тоҷикистон» амал мекунанд, ки он аз ҷониби созмони ҷамъиятии «Марказ оид ба ҳуқуқи инсон» бо дастгирии Дафтари сАҲА дар Тоҷикистон амалӣ мегардад.
Тавре ба ОИ «Азия-Плюс» ҳамоҳангсози лоиҳа Парвина Наврӯзова хабар дод, тавассути робитаи телефонӣ ҳатто ашхоси дар манотиқи дурдаст иқоматдошта имкон пайдо хоҳанд кард, ки бо ҳуқуқшинос барои гирифтани кӯмаки ҳуқуқӣ дар тамос шаванд.
«Дар доираиамалисозии лоиҳа баргузории чорабиниҳое, ки ба муайян кардани миқёси истифодаи шиканҷа дар Тоҷикистон тавассути ҳуҷҷатгузории он дар ш.Душанбе, ноҳияҳои тобеи марказ ва вилоятҳои Суғду Хатлон нигаронида шудаанд, пешбинӣ шудаанд», - гуфт ӯ.
Ба гуфтаи Наврӯзова, ҳамчунин кормандони лоиҳа доир ба огоҳ кардани аҳолӣ аз ҳуқуқ ва ӯҳдадориҳо зимни мавриди тафтишот қарор доштан, мусоидат ба шахсони ҷабрдида аз шиканҷа дар гирифтани кӯмаки амалии ҳуқуқӣ машваратҳои сайёр доир месозанд.
Қобили зикр аст, ки соли гузашта беш аз 20 муроҷиат оид ба ҳодисаҳои истифодаи шиканҷа ва дигар рафтори бераҳмона дар зинаи тафтишот ва ҳангоми иҷрои ҷазо ҳуҷҷатгузорӣ шудаанд, ки аз онҳо 17 ҳолат ба вилояти Суғд ва 12 ҳодиса ба шаҳриДушанбе рост меоянд.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста