Мақомоти шаҳрдории Душанбе ба муносибати ҷашни Наврӯз аз 17 то 27-уми март як силсила чорабиниҳои идона доир менамояд.
- Ҳамин тариқ, рӯзи 17-уми март аз соати 9 то 11-и субҳ ба ифтихори ҷашни Наврӯз марафон баргузор мешавад, ки дар он тамоми хоҳишмандон метавонанд иштирок кунанд, - хабар дод ба ОИ «Азия-Плюс» котиби матбуотии раиси пойтахт Шавкат Саидов.
Санаи 20-уми март дар боғҳои фарҳангу истироҳати ба номи Рӯдакӣ, «Ғалаба», «Дӯстии халқҳо» ва «Боғи пойтахт» ба муддати 5-дақиқагӣ фейерверкафканӣ сурат мегирад.
Рӯзҳои 20-21-уми март дар «Боғи Ирам» (Боғи ботаникӣ)-и пойтахт, боғи «Дӯстии халқҳо», майдонҳои 800-солагии Маскав ва ба номи Мироненко консертҳои идона ва сайругаштҳои оммавӣ баргузор мегарданд.
Ба гуфтаи Саидов, санаи 22-юми март ҷашни Наврӯз дар микрорайонҳои пойтахт таҷлил мегардад. Рӯзи 23-юми март дар варзишгоҳи марказии шаҳри Душанбе мусобиқоти кушод оид ба гӯштии миллӣ доир гардида, санаи 24-уми март дар пойтахт маъракаи ниҳолшинонӣ баргузор мешавад.
Ш.Саидов мегӯяд, соати 11:00-и рӯзи 25-уми март дар «Наврӯзгоҳ»-и пойтахт бо иштироки ҳайатҳои давлатҳои хориҷӣ чорабиниҳои асосии ҷашни Наврӯз ва консерти ҳунармандони маъруфи кишвар доир мегардад, ки бо фейерверкафкании 7-дақиқагӣ анҷом меёбад. Воридшавӣ ба «Наврӯзгоҳ» тибқи даъватномаҳо сурат мегирад.
Номбурда ҳамчунин гуфт, чорабиниҳои идона дар пойтахт рӯзи 27-ум март бо баргузор намудани пойгаи аспдавонӣ дар «Наврӯзгоҳ» хотима меёбанд. Оғози пойга соати 10:00 буда, қимати билет 5 сомонӣ аст.
Дар фарҷом Саидов изҳор кард, ки шурӯъ аз 10-уми март дар тамоми бозорҳои шаҳри Душанбе ярмарка-фурӯши маҳсулоти кишоварзӣ ташкил гардида, он то 20-уми март идома меёбад.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста