Чанде қабл раиси вилояти Суғд Қоҳир Расулзода ба шаҳри Конибодом сафари корӣ анҷом дод.
Тавре аз хадамоти матбуоти раиси вилояти Суғд хабар доданд, дар ин сафар вазъи кишоварзӣ ва иҷтимоиёт мавриди таваҷҷӯҳ қарор гирифтанд. Сафари кории раиси вилоят Қоҳир Расулзода ба шаҳри Конибодом аз маъракаи кишти пунбадона оғоз ёфт.
Дар хоҷагии деҳқонии Миркалон – саркори АҲД Ашӯрмат Қодиров дар масоҳати бештар аз як гектар кишти байниқаторӣ гузаронида шуда, маъракаи кишти чигит дар хоҷагии деҳқонии Кӯчкаки АҲД М. Назаров ҳам баргузор шуд.
Аҳли ҷамоати деҳоти Патар соли ҷорӣ аз хизматрасонии босифати тиббӣ баҳравар хоханд шуд. Зеро бо мусоидати мақомоти иҷроия бо маблағи зиёда аз 700 ҳазор сомонӣ дар ин ҷо беморхонаи замонавӣ бунёд шудааст. Алҳол корҳои таъмир ба анҷом расида, беморхона бо таҷҳизоти замонавии табобатӣ таъмин шудааст.
Раиси вилоят ҳангоми боздид аз ин дармонгоҳ барои ислоҳи баъзе камбудиҳои таъмир масъулинро дастур дод ва афзуд, ки беморхонаи нав бояд дар намуди комилан зебову дилкаш ва бо сифати баланд ба сокинони деҳа хизмати тиббӣ расонад. Бинои табобатӣ аз ду ошёна иборат буда, чун маркази саломатӣ ва таваллудхона бо 35 кат эҳтиёҷмандонро қабул хоҳад кард.
Сипас, дар бинои мақомоти иҷроияи ҳокимияти давлатии шаҳр қабули шаҳрвандон аз ҷониби Раиси вилоят сурат гирифт. Муроҷиаткунандагон дар рӯзи қабули шаҳрвандон кам набуданд. Дар ин рӯз Раиси вилоят 214 нафар сокини ноҳияро қабул кард, ки муроҷиати онҳо дархости 22 ҳазор нафарро дар бар мегирифт. Масъалаи муҳим ва ҳалталаб барои Конибодом ҳамчунон таъмини аҳолӣ бо замини наздиҳавлигӣ боқӣ мондааст. Дар ин рӯз бештар аз 150 нафар маҳз бо ҳамин мушкилот ба Раиси вилоят арз карданд.
Сокинон ба раиси вилоят аз баланд шудани сатҳи обҳои зеризаминӣ, таъмини оби тозаи нӯшокӣ, таъмири роҳҳо, иншооти соҳаи иҷтимоӣ, манзилҳои истиқоматӣ, мушкилоти ҳуқуқии сокинон дар мавриди баҳси манзил ва ғайра арзу шикоят карданд.
Пас аз қабули шаҳрвандон, Раиси вилоят бо иштироки фаъолони шаҳр ҷаласаи корӣ доир намуд. Дар маҷлиси фаъолон вазъи иқтисодиву иҷтимоии ноҳия ва самтҳои фаъолияти мақомоти иҷроияи ҳокимияти давлатии шаҳр мавриди таҳлилу баррасии Раиси вилоят қарор гирифтанд.
Президенти Ӯзбекистон имрӯз ба Душанбе меояд
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Дар Тоҷикистон “ҷодугарону муллоҳои тӯмордеҳ”-ро рӯйхат мекунанд
Туркия ба Тоҷикистон барои харидории бесарнишин $1,5 млн ва барои таълими низомиёни тоҷик $62 ҳазор медиҳад
Боздошти капитани милитсия бо 20 ҳазор сомонӣ пора
Дар Тоҷикистон мехоҳанд боз як қонун қабул кунанд. Он ба рушди соҳибкории иҷтимоӣ то куҷо мусоидат мекунад?
ВАО: Сафорати Тоҷикистон дар Русия доир ба тафтиши ҳамла ба “Крокус” изҳори назар намекунад
Муҳаққиқи тоҷик пешниҳод кард, ки 15 апрел Рӯзи Айнӣ эълон шавад
Ҳабси шаҳрванди Тоҷикистон дар Твер ба гумони қайди қалбакии иштирокчиёни парвандаи “Крокус”
Футболбозони ҷавони тоҷик Ҷоми Осиёро бо бохт оғоз карданд
Кулли ахбор
Авторизуйтесь, пожалуйста