Дар Маркази ҷумҳуриявии ҷарроҳии дилу хун шуъбаи табобати бемориҳои иллати дили модарзодии кӯдакон ба кор шуруъ кард. Табибони шуъба ҷарроҳии то 1 ҳазор кӯдакони беморро дар як сол ба нақша гирифтаанд. Шуъбаи мазкур дар маркази илмии беморхонаи шаҳрии клиникии № 5 (Шаҳраки тиббӣ) фаъолият дошта, бо дастгирии Каритас Интернешнл боз гардидааст.
Мудири шуъба Икром Болтабоев мегӯяд, шуъба бо таҷҳизоти муосир муҷаҳҳаз буда аз 20 кат иборат аст. «Айни замон ҳайати коргарони шуъбаро 10 табиби соҳибтаҷриба ташкил медиҳанд, ки дар дармонгоҳҳои пешқадами Русияву Эрон омӯзишу таҷриба гирифтаанд», - гуфт вай.
Ба гуфтаи табиб, ҳамасола дар Тоҷикистон ҳудуди 200 ҳазор атфол ба дунё меоянд, ки аз 1,5 то 3 ҳазор нафарашон дорои бемории иллати дили модарзодӣ мебошанд. «Агар шароитҳои мусоид фароҳам оварда шуда бошанд, тавассути ҷарроҳҳии фаврӣ онҳоро метавон наҷот дод», - изҳор кард ӯ.
Дар шуъбаи нав ҷарроҳӣ барои беморон ба ҳисоби миёна ҳудуди 5 ҳазор $ арзиш хоҳад дошт. Дар ҳамин ҳол, дар Маркази илмии ҷумҳуриявии ҷарроҳи дилу раг кӯдаконе ҷарроҳӣ шуданд, ки маблағ барои онҳоро хонандагони ОИ «Азия-Плюс» ҷамъоварӣ карда буданд.
Бино ба маълумоти Вазрати тандурустии ҷумҳурӣ, айни замон дар қаламрави Тоҷикистон беш аз 7 ҳазор нафар афроди дорои бемории иллати дил ба сар мебаранд, ки 3 ҳазор 700 нафарашонро кӯдакон ташкил медиҳанд.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста