Ин ҳафта газетаи «Азия-Плюс» бо тарҳи нав чоп шуда, ба ҷуз тағйироти зоҳирӣ, бахшҳои нав низ дар нашрия пайдо шуданд.
Қобили зикр аст, ки газетаи «Азия-Плюс» аз соли 2000 дар бозори матбуоти Тоҷикистон ҷой дошта, дизайн (тарҳ)-и газета ҳамагӣ 4 маротиба иваз шуд.
Тағйироти ҳозира ба ислоҳоти бузургмиқёс марбут аст, ки айни замон дар гурӯҳи расонаҳои «Азия-Плюс» ҷараён доранд.
«Дар «Азия-Плюс» низ имрӯз ислоҳот ҷараён дорад, - менависад дар шумораи имрӯзаи газета директори генералии гурӯҳи расонаҳои «Азия-Плюс» Умед Бобохонов. - Мо газета, сомона ва радиоямонро шавқовару фарогири масъалаҳои муҳими рӯз, ба хонандаву шунаванда, касоне, ки дар ҷомеаи муосиру рушдкунанда зиндагӣ доранду «бетараф будан намехоҳанд», наздиктар карданием. Бовар дорем, ки муваффақ мешавем ва умедворем, ки шумо низ ин тағйиротро пай бурда, баҳои ҳаққонӣ медиҳед».
Сохтори гурӯҳи расонаҳои «Азия-Плюс» аз газета (ду маротиба дар як ҳафта нашр мешавад), радио ва агентии иттилоотӣ, ҳамчунин маҷаллаи «VIPzone» иборат аст.
Агентии иттилоотии «Азия-Плюс» аз соли 1996, газета - аз соли 2000 ва радио - аз соли 2002 фаъолият дошта, маҷаллаи «VIPzone» муддати 10 сол аст, ки нашр мешавад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста