Ҳукумат пешниҳод кардааст, ки ба лоиҳаи қонун “Дар бораи Буҷети давлатӣ барои соли 2019” дар мавриди пешниҳоди имтиёзҳои андозӣ ба ду ширкати Чин, ду ширкати Ӯзбекистон ва як ширкати Туркманистон, ки дар минтақаҳои гуногуни ҷумҳурӣ мактабу бемористон месозанд, тағйирот ворид шавад.
Сохтмони мактабҳо дар деҳаи Элоки ноҳияи Файзобод ва деҳаи Чордараи шаҳри Ваҳдат, ки ширкати чинии “ТВЕА” месозад, аз пардохти андоз аз арзиши иловашуда, андоз аз истифодабарандагони роҳҳои автомобилӣ ва андоз аз фоида озод мешаванд.
Ба ширкати дигари Чин - «Синохайдро», ки дар шаҳрҳои Бохтару Леваканд ва ноҳияи Данғара мактаб месозад, низ чунин имтиёзҳо дода мешаванд.
Сохтмони мактаб барои 540 ҷойи нишаст дар хоҷагии Эргаш Султонови ноҳияи Дӯстӣ аз ҷониби сафорати Туркманистон дар Тоҷикистон низ аз чунин имтиёзҳо бархӯрдор хоҳад шуд.
Сохтмони мактаб барои 630 ҷойи нишаст дар ноҳияи Спитамен ва маҷмааи тандурустӣ дар ноҳияи Қубодиён аз ҷониби ширкатҳои Ӯзбекистон низ аз пардохти андоз аз арзиши иловашуда, андоз аз истифодабарандагони роҳҳои автомобилӣ ва андоз аз фоида озод мешаванд.
Ғайр аз ин, воридоти молу маҳсулот аз ҷониби фармоишгарон ва паймонкорони кулл барои сохтмони иншооти дар боло зикршуда аз пардохти андоз аз арзиши иловашуда ва боҷҳои гумрукӣ тибқи номгӯй ва ҳаҷми тасдиқшуда аз ҷониби ҳукумати Тоҷикистон озод карда мешаванд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Кулли ахбор
Авторизуйтесь, пожалуйста