Ҷашни 5500-солагии шаҳраки Саразм ҳамчун маркази ташаккули фарҳанги заминдорӣ, ҳунармандӣ ва шаҳрсозии тоҷикон санаи 12 сентябри соли 2020 дар шаҳри Панҷакент баргузор мешавад.
Ҳукумати Тоҷикистон аввали моҳи май дар бораи баргузор намудани ин ҷашн қарор қабул кард, ки хароҷоти умумии он 825 ҳазор сомониро ташкил медиҳад.
Кумитаи тадорукотро оид ба баргузории чорабиниҳои ҷашнӣ, ки аз 22 нафар иборат аст, сарвазири ҷумҳурӣ Қоҳир Расулзода роҳбарӣ мекунад.
Мувофиқи нақшаи тасдиқшуда, 605 ҳазор сомонӣ ба чорабиниҳои тадорукотӣ, илмӣ ва фарҳангӣ, боз 220 ҳазор сомонӣ - ба чорабиниҳои омодагӣ ва баргузории ҷашн равона мегардад.
Хароҷоти бештар назаррас барои чорабиниҳои зерин пешбинӣ шудааст:
- Баргузор намудани симпозиуми байнулмилалӣ таҳти унвони “Саразм - гаҳвораи тамаддуни кишоварзӣ, ҳунармандӣ ва шаҳрсозии тоҷикон” дар шаҳри Душанбе - 200 ҳазор сомонӣ;
- таҳия ва нашри албоми “Саразми қадима” - 100 ҳазор сомонӣ;
- тайёр кардани савғоту ҳадя, туҳфаҳои хотиравӣ барои меҳмонон ва иштирокчиёни чорабиниҳо (қаламу (ручка) дафтарча ва дигар туҳфаҳо) - 90 ҳазор сомонӣ.
Хароҷоти пулии нисбатан камтар дар ташкил ва баргузор намудани дар маҷмӯъ 15 чорабинӣ пешбинӣ шудааст. Воситаҳо аз буҷетҳои сатҳҳои гуногун ҷудо мешаванд.
Ғайр аз ин, зиёда аз 66,4 млн. сомонӣ барои анҷоми корҳои таъмиру барқарорсозии ёдгориҳои таърихӣ, сохтмони иншооти нави иҷтимоӣ ва фарҳангӣ дар шаҳри Панҷакент ба нақша гирифта шудааст, ки бо воситаҳои буҷети маҳалливу вилоятӣ, маблағҳои ғайрибуҷетӣ ва сармоягузориҳои хориҷӣ амалӣ мешаванд.
Ҳамин тариқ, хароҷоти пулӣ барои таҷлили ҷашни 5500-солагии Саразм дар маҷмӯъ зиёда аз 67,2 млн. сомонӣ (7,1 млн. доллар)-ро ташкил медиҳад.
Ёдгории таърихии Саразм тирамоҳи соли 1976 аз ҷониби бостоншинос Абдуллоҷон Исҳоқов кашф гардид. Ин ёдгорӣ дар 15 километрии ғарби шаҳри Панҷакент ва 45 километрии шарқи шаҳри Самарқанд ҷойгир шудааст. Ба гуфтаи бостоншиносон, сар аз охири ҳазораи IV-уми пеш аз милод шаҳри Саразм ба яке аз марказҳои ҳунармандии минтақаи Осиёи Марказӣ табдил меёбад ва ба ин захираҳои бойи тилло, нуқра, мис, сурб ва руҳ дар кӯҳҳои болооби дарёи Зарафшон мусоидат кардааст.
Саразм, ҳамчун яке аз марказҳои тамаддуни ҷаҳонӣ, аҳамияти бузурги илмӣ, таърихӣ ва байналхалқӣ мебошад. Ин яке аз ёдгориҳои аввалини мероси ҷаҳонӣ дар Тоҷикистон башумор меравад. Шаҳрак яке аз қадимтарин нуқтаҳои аҳолинишин ва далелҳои рушди пешрафти шаҳрсозӣ дар Осиёи Марказӣ мебошад. Соли 2010 дар руйхати ёдгориҳои таърихии чаҳонии ЮНЕСКО ба қайд гирифта шуд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста