Комиссияи Аврупо бо мақсади пешгирии ифротгароии зӯроварона ва муқовимат ба тундгароӣ дар Осиёи Марказӣ ба таври иловагӣ боз 4 миллион евро маблағ ҷудо намудааст.
Комиссияи Аврупо бо мақсади пешгирии ифротгароии зӯроварона ва муқовимат ба тундгароӣ барои дастгирии воситаҳои ахбори омма (ВАО), созмонҳои ҷомеаи шаҳрвандӣ ва шаҳрвандони фаъоли Қазоқистон, Қирғизистон, Тоҷикистон, Туркманистон ва Ӯзбекистон ба таври илова боз 4 миллион евро маблағ ҷудо намудааст.
Ҳадафи лоиҳаҳои нав аз кӯмаку дастгирӣ дар баргузории тренингҳо, боло бурдани сатҳи касбии рӯзноманигорони маҳаллӣ, фаъолон ва кормандони масъули робита бо матбуот барои интишори иттилооти пурмуҳтавою баландсифат иборат буда, инчунин барои бозтафтиши далелҳо бо мақсади ошкор кардани ахбори бардурӯғ замина фароҳам меоранд.
Чунин фаъолият, ки аз ҳисоби "Иқдоми Иттиҳоди Аврупо баҳри мусоидат ба сулҳу субот" маблағгузорӣ шуда, барои мубориза бар зидди иттилооти бардурӯғ, боло бурдани сатҳи огоҳии мардум ва ақаллиятҳо, омода намудани иттилооти ҷавобӣ ва вокуниш саҳмгузор хоҳад буд.
Кӯмаки имрӯз эълоншуда фаъолиятҳоеро, ки тавассути ҳамкориҳои қаблӣ бо созмони ғайриҳукуматии "Интернюз" оғоз шуда буданд, тақвият бахшида, ба пешрафти ҳамкориҳои минтақавӣ ва интишори муштараки иттилооти пурмазмуну воқеии марбут ба сулҳу субот мусоидат менамояд. Конфронси имрӯза дар назди “Фонди аврупоии дастгирии демократия” дар Брюссел дастовардҳо ва натиҷаҳои марҳилаи аввалро муаррифӣ ва рӯнамоӣ хоҳад кард.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста