Сайёҳи хориҷӣ муддати 6-12 рӯзи ҳузури худ дар ҷумҳурӣ ба ҳисоби миёна 800-1200 доллар сарф мекунад, ки аз нишондиҳандаи миёнаи ҷаҳонӣ хеле паст аст. Дар ин бора зимни як назарсанҷӣ миёни ширкатҳои сайёҳӣ гуфта шудааст, ки он бо дастгирии Бонки ҷаҳонӣ доир гардид.
Ин дар ҳолест, ки тибқи маълумоти Созмони ҷаҳонии сайёҳӣ (UNWTO), ҷаҳонгардони ҳавасманди саёҳати шавқовар дар миқёси олам давоми 8 рӯзи сафар ба ҳисоби миёна 3000 доллар харҷ мекунанд.
Бо вуҷуди наздикии бевосита ба Афғонистон, ширкатҳои сайёҳии пурсидашуда Тоҷикистонро макони амну бехатар барои боздид арзёбӣ кардаанд.
Натиҷаҳои назарпурсӣ гувоҳи онанд, ки Тоҷикистон барои сайёҳон аз Аврупо, Амрикои Шимолӣ, Чин ва Австралия торафт самти писандида мешавад, вале бешубҳа, кишвар барои қонеъ гардонидани талаботи доим афзоянда корҳои бештар анҷом дода метавонад.
Афзоиши талабот ба дастрасии маълумоти бештар оид ба Тоҷикистон ва умуман, Осиёи Марказӣ вобаста аст.
Қариб 50% ширкатҳои маҳаллии сайёҳӣ ва наздики 90% ширкатҳои сайёҳии байнулмилалӣ бар ин назаранд, ки Тоҷикистон то ҳол аз имконоти сайёҳии худ ба таври пурра истифода накардааст.
“Бо вуҷуди ин, Тоҷикистон ба ҷалби шумори зиёдтари сайёҳон ва ба даст овардани даромади бештар аз касоне, ки айни замон ба кишвар меоянд, қодир аст”, - мегӯянд намояндагони ширкатҳои сайёҳӣ.
Онҳо ба якчанд самтҳое ишора кардаанд, ки ба Тоҷикистон барои истифодаи беҳтари имконоти сайёҳӣ имкон медиҳанд.
Масалан, беҳбуди парвозҳои дохилӣ ва хориҷӣ, нигаҳдорӣ ва ободонии иншооти сайёҳӣ, содда кардани заминаи меъёрию ҳуқуқӣ, беҳтар кардани шароити будубош (бо шумули дастрасӣ ба нерӯи барқ, таъмини об ва мавҷудияти ҳоҷатхона), баланд бардоштани сатҳи касбии кормандони бахши сайёҳӣ.
Назарсанҷӣ таҷрибаи ҳузури сайёҳон ва сайругашти онҳоро дар саросари Тоҷикистон фаро гирифта, зимнан ба ду минтақа – вилояти Хатлон ва ВМКБ, ки Лоиҳаи рушди иқтисоди деҳот ба онҳо равона шудааст, таваҷҷуҳи хос зоҳир шуд.
Назарпурсӣ бо мақсади таҳлили монеаҳо ва имконот баҳри рушди талаботу пешниҳодоти сайёҳӣ дар кишвар гузаронида шуд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста