Ҳизби сотсиалистии Тоҷикистон (ҲСТ) омодагиро ба маъракаи интихоботи палатаи поёнии парлумони ҷумҳурӣ оғоз кардааст, ки он аввали баҳори соли оянда баргузор мешавад. Дар ин хусус раиси ҲСТ, вакили амалкунандаи Маҷлиси намояндагони Маҷлиси Олии ҶТ Абдуҳалим Ғаффоров хабар дод.
“Замони дақиқи баргузории анҷумани пеш аз интихоботи ҳизб даҳаи аввали моҳи декабр маълум мешавад. Аз ҳавзаҳои интихоботии якмандатӣ ва рӯйхати ҳизбӣ мо на камтар аз 15 аъзои ҲСТ-ро пешбарӣ карданием”, - гуфт Ғаффоров.
Вай афзуд, ки айни замон Ҳизби сотсиалистии Тоҷикистон ба интихоби номзадҳо машғул аст.
“Талаботи асосӣ барои номзадҳо аз ҳизби мо огаҳ будан аз ҷараёни қонунофарӣ, ватандӯстӣ ва шиносоии наздик бо мушкилоти интихобкунандагон мебошад”, - қайд кард пешвои ҲСТ.
Ёдрас мекунем, ки Ҳизби сотсиалистии Тоҷикистон 15-уми июни соли 1996 дар анҷумани Хуҷанд таъсис дода шуд. Муассиси ҳизб адвокати маъруф, собиқ раиси парлумон Сафаралӣ Кенҷаев буд.
Рӯзи 6-уми августи соли 1996 ин ҳизб дар Вазорати адлияи Тоҷикистон ба қайд гирифта шуд. Сафаралӣ Кенҷаев 30-юми марти соли 1999 дар шаҳри Душанбе кушта шуд.
Соли 2000 олими соҳаи физика Мирҳусейн Назриев раиси ҳизб интихоб шуд.
Аввали соли 2004 ҳизб ба ду ҷиноҳ тақсим шуд. Яке аз ҷиноҳҳо бо роҳбарии Абдуҳалим Ғаффоров раиҷумҳур Эмомалӣ Раҳмонро дастгирӣ карда, ҷиноҳи дигар таҳти сарварии Мирҳусейн Назриев мавқеи мухолифи ҳукуматро дошт.
Ҳар ду ҷиноҳ ҳам номи “Ҳизби сотсиалистии Тоҷикистон”-ро барои худ нигоҳ доштанӣ буданд, аммо Вазорати адлия зери ин ном ҷиноҳи Абдуҳалим Ғаффоровро сабтином кард.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста