Нахуст ба таври озмоишӣ дар ҷодаҳои Душанбе 3 модели мусофиркашҳои хурд равуо мекунанд. Сипас он навъи микроавтобус васлу насб хоҳад шуд, ки бештар ба сокинону меҳмонони пойтахт писанд меояд.
Бо супориши раисҷумҳур Эмомалӣ Раҳмон, ширкати муштараки Тоҷикистону Туркия Akia Avesto Automotive Industry, ки ба васлу насб ва истеҳсоли автобусҳои туркии тамғаи AKIA машғул аст, то охири соли равон васлу насби мусофиркашҳои хурдро ба роҳ мемонад.
Сарвари иҷроияи ҶДММ «Авесто Групп» Зафар Бурҳонзода имрӯз зимни суханронӣ дар ҷаласаи Маҷлиси намояндагони Маҷлиси Олии ҶТ изҳор дошт, ки аллакай 3 модели тайёри микроавтобусҳо ба шаҳри Душанбе оварда шудаанд. Онҳо ба таври озмоишӣ дар яке аз хатсайрҳои пойтахт ҳаракат мекунанд. Сипас дар корхона васлу насби силсилавии он навъи мусофиркаши хурд шурӯъ мешавад, ки бештар ба сокинону меҳмонони пойтахт писанд меояд.
Вай афзуд, ки ин ширкат аз оғози сол то моҳи ноябр 72 автобуси тамғаи AKIA истеҳсол кардааст ва то охири сол теъдоди онҳоро ба 100 адад мерасонад.
Марбут ба ин масъала як манбаи огоҳи “Азия-Плюс” дар шаҳрдории Душанбе хабар дод, ки айни замон тақрибан 1 ҳазору 300 микроавтобус ҳамарӯза ба сокинону меҳмонони пойтахт хизмат мерасонанд, ки асосан тамғаи “Мерседес” мебошанд.
Мақомоти шаҳрдорӣ ният дорад, ки онҳоро тадриҷан ба микроавтобусҳои истеҳсоли ватанӣ иваз кунад, аммо барои ин ҳадди ақал наздики 10 сол лозим аст.
Ширкати муштараки Тоҷикистону Туркия Akia Avesto Automotive Industry моҳи январи соли 2018 таъсис шудааст. Он мувофиқи созишномаи байни ҳукумати Тоҷикистон, ҶДММ “Авесто Групп” ва ширкати туркии Ulasim IC YE DIS TICARET Anonim Sirketi ба корҳои васлу насб ва истеҳсоли автобусҳои тамғаи AKIA машғул аст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Кулли ахбор
Авторизуйтесь, пожалуйста