Палатаи поёнии парлумони ҷумҳурӣ тағйироту иловаҳоро ба қонун “Дар бораи ипотека” қабул кард, ки ба такмили заминаи ҳуқуқии амволи гарав равона шудааст.
Аз ҷумла, акнун тибқи қонунгузорӣ гузаштани амволи гарав ба қарздиҳанда бидуни баррасии судӣ имконпазир мешавад.
То ин замон бонкҳо танҳо бо қарори суд амволи дар ипотека ба гарав гузоштаро рӯёнида метавонистанд.
Дар Бонки миллии Тоҷикистон (БМТ) бар ин назаранд, ки содакунии қонунгузории ипотека ба афзоиши қарздиҳӣ барои ипотека дар кишвар мусоидат мекунад.
Қонун “Дар бораи ипотка” дар Тоҷикистон соли 2008 қабул шуд. Дар ин давра, тибқи маълумоти БМТ, ташкилотҳои қарзии кишвар ба маблағи умумии ҳамагӣ ҳудуди 210 млн. сомонӣ қарзҳои ипотекӣ додаанд.
Айни замон аз 17 бонки ҷумҳурӣ танҳо дар 2-тоаш: “Аввалин бонки молиявии хурд” ва “Спитамен Бонк” ва боз дар 1 ташкилоти қарзии хурд: ТҚХ “Ҳумо” метавон барои харидории манзил (ипотека) қарз гирифт.
Меъёри миёнавазн оид ба қарзҳои хориҷӣ дар низоми бонкии ҷумҳурӣ феълан ба 21,77% баробар аст.
Тобистони ҳамин сол раиси “Амонатбонк” Сироҷиддин Икромӣ дар нишасти хабарӣ изҳор дошта буд, ки ояндаи наздик ворид кардани тағйирот ба қонун “Дар бораи ипотека” дар назар буда, зимнан гузаштани амволи гарав ба ихтиёри бонк бидуни баҳси судӣ пешбинӣ шудааст.
Раиси”Амонатбонк” қайд карда буд, ки пас аз қабули тағйирот, бонки мазкур ба пешниҳоди қарзҳои ипотекӣ оғоз мекунад.
“Бисёре аз қарзгирандагон ба масъалаи баргардонидани он ҷиддӣ муносибат надоранд. Аз ин рӯ, бонкҳо ба мушкилоти молиявӣ дучор мешаванд. Маҳз барнагардонидани қарзҳо боиси мушкилоти молиявӣ дар баъзе бонкҳо шуд”, - гуфта буд Икромӣ.
Ба ҷуз ин, таъкид дошта буд ӯ, “Амонатбонк” дар ҳаҷми 417 млн. сомонӣ сармоя дар ихтиёр дорад.
“Ин бевосита маблағҳои мо буда, қисмате аз онро низ метавонем ба қарздиҳии ипотекӣ равона созем”, - иброз дошт номбурда.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста