Пас аз дархости раиси шаҳри Душанбе Рустами Эмомалӣ бо мақсади таъмини бехатарии мусофиркашонӣ ва беҳбуди сатҳи хизматрасонӣ, Вазорати нақлиёт фармоиш дод, ки истифодаи мошинҳои истеҳсолашон то соли 2014 дар хадамоти таксии пойтахт манъ карда шавад.
Сарвари “Душанбенақлиётхадамотрасон” мегӯяд, ин қарор бо мақсади афзалият додан ба нақлиёти ҷамъиятии бузургҳаҷм қабул шудааст.
“Мувофиқи меъёрҳо, дар Душанбе барои 1000 кас як нақлиёти ҷамъиятӣ зарур буда, бо таксиҳо асосан ба масофаҳои кӯтоҳ – аз 3 то 5 км мераванд. Онҳо набояд бо ин хатсайрҳо равуо кунанд”, - қайд кард Давлатов.
Ба ақидаи ӯ, маҳз бинобар зиёд будани шумори таксиҳо дар роҳҳои шаҳр ҳодисаҳои танбашавии нақлиёт ба вуҷуд меояд.
Тибқи маълумоти сарвари корхона, айни замон 2300 мошини сабукрав ба сокинон ва меҳмонони пойтахт хизматрасонӣ мекунанд, ки 1271-тои онҳо автомашинаҳои истеҳсоли то соли 2014 буда, тасмим гирифта шудааст, ки маҳз ҳамин миқдор нақлиёти мусофиркаш аз роҳҳои шаҳр гирифта мешавад.
Бо фармоиши вазири нақлиёти Тоҷикистон Худоёр Худоёрзода аз 19-уми апрели соли 2019 таҳти №83, шурӯъ аз соли 2020 ба мошинҳои истеҳсоли то соли 2014 хизматрасонӣ ба мусофирон дар хадамоти такси иҷоза дода намешавад. Аз 11 хадамоти таксии пойтахт танҳо ширкати “Олуча такси” аз иҷрои ин фармоиш озод аст, зеро ҳамаи мошинҳояш истеҳсоли 2017 мебошанд.
Барои шаҳр суръати миёна барои ҳаракати троллейбусу автобус ва таксиҳо пешбинӣ шудааст. Аксари таксиронҳои шаҳри Душанбе қоидаҳои ҳаракат дар роҳро риоя намекунанд.
- Ин мошинҳо дигар ба мусофиркашонӣ машғул намешаванд. Бар асари ҳамеша дар ҳаракату равуо будани онҳо, бисёр вақт ҳодисаҳои танбашавии воситаҳои нақлиёт ба вуҷуд меояд, - гуфт номбурда.
Ба қавли ӯ, мувофиқи қонунгузории Тоҷикистон, ба автомашинаҳои кӯҳна мусофиркашонӣ иҷоза дода намешавад.
“Кӯҳнатарини нақлиёти ҷамъиятии мо 8-сола аст. Қариб ҳамаи мошинҳои мо наванд. Чанд рӯз пеш 8 троллейбуси нав ба Душанбе оварда шуд. Ният дорем, ки боз 100 троллейбуси нав биёрем”, - таъкид дошт сарвари “Душанбенақлиётхадамотрасон.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста