Дилафрӯз Каримова, омӯзгори фанни забони англисии литсейи математикии №1-и шаҳри Хуҷанд ғолиби озмуни «Омӯзгори соли Тоҷикистон-2019» дониста шуд.
Бино ба иттилои дафтари матбуоти Вазорати маориф ва илми ҶТ, 18-уми январи соли ҷорӣ дар толори Вазорати маориф ва илми Тоҷикистон маросими ҷамъбасти озмуни ҷумҳуриявии «Омӯзгори соли Тоҷикистон – 2019» баргузор шуд.
Гуфта мешавад, озмун рӯзи 16-уми январи соли ҷорӣ оғоз гардида, тибқи шартҳои муайяншудаи Низомномаи озмуни «Омӯзгори соли Тоҷикистон» се рӯз идома ёфт. Дар он 5 нафар ғолиби даври вилоятию минтақавӣ ва шаҳрӣ: Мамадназарбеков Ризоалӣ – омӯзгори фанни физикаи мактаб-интернати ҷумҳуриявии ноҳияи Рӯшон, Турсунзода Некрӯз – омӯзгори фанни географияи мактаби Президентии шаҳри Кӯлоб, Каримова Дилафрӯз – омӯзгори фанни забони англисии литсейи математикии №1-и шаҳри Хуҷанд, Раҳимов Саидкарим – омӯзгори фанни таърихи мактаби байнулмилалии Президентии шаҳри Душанбе ва Соҳибова Ҳабиба – омӯзгори фанни ҳуқуқи литсей ба номи Т.Собирови шаҳри Ваҳдат иштирок карда, донишу малака ва истеъдоди худро санҷиданд.
“Тибқи баҳогузории аъзои ҳакамон, Мамадназарбеков Ризоалӣ соҳиби 177 хол, Турсунзода Некрӯз ва Раҳимов Саидкарим соҳиби 193 хол, Соҳибова Ҳабиба соҳиби 204 хол гардида, Каримова Дилафрӯз бо 205 хол ғолиби озмуни «Омӯзгори соли Тоҷикистон – 2019» дониста шуд”, - омадааст дар хабар.
Зикр мешавад, ки дар маросими ҷамъбастӣ ба ғолиб ва иштирокчиёни озмун туҳфаҳои рамзӣ, маблағ, нишони “Аълочии маориф ва илми Ҷумҳурии Тоҷикистон”, дипломи Вазорати маориф ва илм, ифтихорномаи Иттифоқи касабаи кормандони маориф ва илм, инчунин роҳхат ба осоишгоҳу истироҳатгоҳҳо барои истироҳату табобат супорида шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста