Айни замон шаҳрвандони Тоҷикистон, ки аз сабаби таб доштан ё бо хоҳиши худ дар шаҳри Ухани музофоти Хубей монда буданд, гирифтори коронавируси Covid-19 нестанд. Ташхис нишон додааст, ки таби онҳо маъмулист.
Дар ин бора ба “Азия-Плюс” аз раёсати иттилоот ва матбуоти Вазорати корҳои хориҷии Тоҷикистон иттилоъ доданд.
“10 нафар шаҳрвандони Тоҷикистон дар хобгоҳи донишгоҳ ва меҳмонхона қарор доранд. Донишгоҳҳои Ухан мувофиқи имконоти худ онҳоро бо хӯрок ва дигар лавозимоти зарурӣ таъмин мекунанд. Сафорати Тоҷикистон дар Чин ҳамарӯза бо донишҷӯён ва масъулини донишгоҳҳо дар алоқа мебошад”, - изҳор доштанд аз ВКХ ҶТ ба “Азия-Плюс”.
Ёдрас мекунем, ки соати 7-и субҳи 11-уми феврал ҳавопаймои ширкати “Сомон Эйр” 46 шаҳрванди Тоҷикистонро аз шаҳри Ухани Чин ба Душанбе овард. Ҳамаи ин шаҳрвандон бо табибону кормандони Кумитаи ҳолатҳои фавқулодаи назди Ҳукумати ҶТ, ки онҳоро ҳамроҳӣ карданд, муддати 14 рӯз дар карантин нигаҳдорӣ мешаванд.
“Онҳо давоми ду ҳафта дар осоишгоҳи “Харангон”, воқеъ дар 15 километрии шимоли Душанбе қарор хоҳанд дошт”, - хабар доданд ба “Азия-Плюс” аз Вазорати тандурустӣ ва ҳифзи иҷтимоии аҳолии ҶТ.
Шабонарӯзи гузашта аз бемории коронавируси COVID-19 дар Чин 121 нафар ҳалок шуданд. Шумори умумии фавтидагон дар ин кишвар ба 1380 нафар расидааст. Тибқи маълумоти Комиссияи миллии тандурустии Чин, теъдоди ҳолатҳои тасдиқшудаи сироятёбӣ 63851 нафар мебошад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Кулли ахбор
Авторизуйтесь, пожалуйста