Бар асари хуруҷи коронавирус ҳукумати Арабистони Саудӣ вуруди шаҳрвандони хориҷӣ, аз ҷумла, Тоҷикистонро ба кишвар барои адои маросими ҳаҷи умра муваққатан манъ кард.
Тавре хабаргузории РИА Новости иттилоъ медиҳад, вазорати умури хориҷии Арабистони Саудӣ дар Twitter навиштааст, ки “вуруд ба шоҳигарӣ бо мақсади адои маросими ҳаҷи умра ва боздид аз ал-Масҷид ан-Набавӣ (Масҷиди Паёмбар) муваққатан боздошта шуд”.
Ғайр аз ин, воридшавӣ ба шоҳигарӣ бо раводиди сайёҳӣ аз кишварҳое, ки хуруҷи коронавирус дар онҳо тасдиқ шудааст, мутобиқи муқаррароти мақомоти тандурустии Арабистони Саудӣ низ муваққатан манъ шудааст.
Дар Тоҷикистон ба фиристодани шаҳрвандон ба адои маросими ҳаҷи умра ду ширкат – “Расул” ва “Ормон” машғуланд.
Рӯзи 29-уми феврал аз Душанбе ба макони муқаддаси Ислом фиристодани гурӯҳи навбатии зойирин аз ҷониби ширкати “Расул” пешбинӣ гардида буд.
"50 нафар рӯзи ҷумъа мебоист аз Душанбе ба Ҷидда парвоз карда, аз он ҷо ба Маккаву Мадина мерафтанд, - хабар дод ба “Азия-Плюс” директори ширкат Саъдулло Қурбонов. - Агар онҳо розӣ шаванд, баъди бекор шудани манъи сафар аз ҷониби ҳукумати Арабистони Саудӣ, мо онҳоро ба ҳаҷ мефиристем. Аммо ба касоне, ки мунтазир шуданӣ нестанд, пулҳояшонро бармегардонем".
Ба гуфтаи ӯ, ширкати “Расул” қаблан се гурӯҳи иборат аз 100 нафар зойиринро ба ҳаҷи умра фиристодааст.
Ҳаҷи умра зиёрати хурди Макка буда, лекин на дар моҳи муқарраршуда барои ҳаҷ, балки дар ҳар вақти дигар анҷом дода мешавад.
Мувофиқи маълумоти Кумитаи дини назди ҳукумати Тоҷикистон, соли гузашта 3 ҳазору 273 нафар тоҷикистониён ба адои маросими ҳаҷ дар маконҳои муқаддаси Ислом мушарраф гардиданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Visa дар бораи рушди технологияҳои рақамии пардохтӣ дар Тоҷикистон нақл кард
Байни Тоҷикистон ва Британияи Кабир созишнома дар бораи алоқаи ҳавоӣ имзо шуд
То охири сол дар Тоҷикистон пас аз таъмиру навсозӣ 5 роҳи мошингард ба истифода дода мешаванд
Эмомалӣ Раҳмон бо аввалин сафари расмӣ ба Италия ва Ватикан рафт
Кулли ахбор
Авторизуйтесь, пожалуйста