Имрӯз як қатораи боркаш бо кумаки башардӯстонаи ҳукумати Ӯзбекистон ба Душанбе омад.
Тавре ба “Азия-Плюс” аз ҳукумати Тоҷикистон хабар доданд, ба ҷумҳурӣ 18 вагон ворид шуд. Бори вагонҳо аз 1 ҳазор тонна орд, воситаҳои антисептикӣ ва дезинфексионӣ, хилъатҳои тиббӣ, дастпӯшу ниқоб ва пойафзоли тиббӣ, респираторҳо ва айнакҳои тиббӣ иборат аст.
Ба иттилои манбаъ, кумаки башардӯстона бо супориши шахсии президенти Ӯзбекистон Шавкат Мирзиёев ба Тоҷикистон фиристода шудааст.
Қатора бо кумаки башардӯстонаи кишвари ҳамсояро муовини сарвазири ҷумҳурӣ Азим Иброҳим ва вазири тандурустӣ Насим Олимзода пешвоз гирифтанд.
Ёдрас мекунем, ки айни замон қариб дар ҳамаи минтақаҳои Ӯзбекистон сиротятёфтагони коронавирус ошкор шудааст. Аз оғози хуруҷи беморӣ то имрӯз, 9-уми апрел дар ин кишвар 555 мубталои коронавирус ба қайд гирифта шуда, аз ин шумор 3 нафар фавтиданд ва 30 каси дигар шифо ёфтанд.
Дар ҳамсоякишвар карантин эълон шудааст, аммо ҳаёти рӯзмарра идома дорад. Фермерону деҳқонон ба корҳои кишооварзӣ оғоз карда, корхонаҳои стратегии саноатӣ ва бинокороне, ки иншооти барои давлат муҳимро бунёд мекунанд, бо риояи қоидаҳои карантин кори худро давом медиҳанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Кулли ахбор
Авторизуйтесь, пожалуйста