Дар вилояти Хатлон рӯзи 16 апрел 419 нафарро аз карантин ҷавоб доданд. Онҳо муддати 21 рӯз дар карантин қарор доштанд. Қисмате аз онҳо дар беморхонаи сироятии Кӯлоб ва қисмати дигар дар беморхонаи вилоятии шаҳри Бохтар қарор доштанд.
Миралӣ Раҷабзода, сардори Раёсати тандурустӣ ва ҳифзи иҷтимоии аҳолии вилояти Хатлон ба “Азия-Плюс” дар ин робита хабар дод, ки 398 нафар аз рухсатшудагон шаҳрвандоне мебошанд, ки аз 24 то 26 март бо хатсайрҳои махсус аз Маскав ба ватан баргашта буданд.
“Он замон ҳамроҳи онҳо 18 ронанда, 2 корманди фурудгоҳи шаҳри Кӯлоб ва 1 корманди милитсия, ки бо онҳо алоқа доштанд, низ ба карантин гирифта шуданд”, - иброз дошт мансабдор.
Раҷабзода қайд кард, ки бо дастгирии ҳукумати кишвар барои ба макони зист расонидани сокинони вилояти Суғд, шаҳри Душанбе ва ноҳияҳои тобеи марказ микроавтобусҳо дода шуда, сокинони вилояти Хатлонро хешовандону наздиконашон гирифтанд.
Қобили зикр аст, ки дар ин ду беморхона боз 49 нафар дар карантин боқӣ монданд.
Аз 1 феврал то 16 апрел дар вилояти Хатлон ба сурати умум 672 нафар ба карантин гирифта шуда, 622 нафари онҳо рӯзи 16 апрел рухсатӣ шуданд.
“Ҳамааш паси сар шуд, акнун ба хона меравем”
Хабарнигори “Азия-Плюс” бо касоне, ки дар беморхонаи вилоятии Бохтар дар карантин қарор доштанд, суҳбат кард.
Ҷӯрабек, сокини ноҳияи Рашт мегӯяд, онҳо муддати чанд рӯз дар фурудгоҳи Маскав қарор дошта, ба ҳар ҳол, муяссар шудааст, ки ба Тоҷикистон парвоз кунанд ва ҳавопаймо ба фурудгоҳи Кӯлоб нишастааст.
“Вақте ки ба ватан расидем, гуфтанд, ки барои бехатарии аҳли оилаамон лозим меояд, ки дар Бохтар дар карантин қарор гирем, - гуфт Ҷӯрабек. – 14 рӯз гузашта, эълон карданд, ки боз 7 рӯзи дигар дар карантин мемонем. Акнун ҳамааш паси сар шуда, ба хона меравем”.
Ӯ ба кормандони бемористон ва соҳибкороне, ки муддати 21 рӯз онҳоро бо ғизо таъмин карданд, изҳори миннатдорӣ намуд.
“Бисёр хурсанду миннатпазирем, ки илова бар ин, имрӯз моро натанҳо ҷавоб доданд, балки бо нақлиёт низ таъмин карданд, ки бепул то Душанбе мерасонад”, - афзуд вай.
Санавбар Раҳматуллоева, сокини ноҳияи Бобоҷон Ғафурови вилояти Суғд низ изҳор намуд, ки онҳо муддати чанд рӯз дар фурудгоҳи Жуковский дармондаанд.
“Тамоми рӯзҳои карантин моро бо ғизои хуб таъмин ва муоина карданд. Ин ҷо мо хеле зиёд дӯстони нав пайдо кардем. Аз табибон ва ҳамшираҳои шафқат узр мепурсам: шояд кадоме аз онҳоро хафа карда бошем. Ба ҳамаи онҳо офарин мегӯем!”, - қайд кард ӯ.
Ёдрас мекунем, ки рӯзи 12 апрел дар беморхонаи вилоятии клиникии Бохтар Оишамоҳ Алимоваи 58-сола фавтид.
Ин зан дар шуъбае, ки шаҳрвандони аз хориҷа ба Тоҷикистон омада ба карантин гирифта шуда буданд, кор мекард.
Сабаби расмии марги занро Вазорати тандурустии ҷумҳурӣ бемории сил номид.
“Алимова Оишамоҳ, соли таваллудаш 1962 бо ташхиси сили иртишоҳи қисми мобайнии ҳар ду шушҳо (инфильтративный туберкулёз), гипертерофияи меъдачаи чапи дил, атеросклерози шоҳраг фавтид”, - иттилоъ дод вазорат.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста