Сабаби марги омӯзгори тарбияи ҷисмонии литсей барои кӯдакони лаёқатманди №1 алҳол номаълум аст. Дар Вазорати тандурустӣ ва ҳифзи иҷтимоии аҳолии Тоҷикистон мегӯянд, ҳоло натиҷаҳои ташхисро нагирифтаанд.
Ду рӯз пеш дар Душанбе омӯзгори тарбияи ҷисмонии литсейи №1 Хуршед Каримови 60-сола аз олам даргузашт.
“Натиҷаҳои ташхис ба дастамон расад, дар ин бора ба ВАО хабар медиҳем”, - гуфтанд ба “Азия-Плюс” дар Вазорати тандурустӣ.
Ба иттилои ВАО, рӯзи чоршанбе аз волидон дархост кардаанд, ки фарзандонашонро ба хонаҳо баранд ва литсей, ки дар он Каримов кор мекард, ба карантин бастаанд.
Дар Вазорати маориф ва илми Тоҷикистон ба “Азия-Плюс” изҳор доштанд, ки дар литсей ҳеҷ гуна карантин нест ва дарсҳо идома доранд.
“Литсейе, ки дар он Хуршед Каримов дарс медод, бо реҷаи муқаррарӣ кор мекунад. Таҳсили хонандагон мувофиқи барномаи таълимӣ идома дорад”, - хабар дод котиби матбуотии вазорат Эҳсони Хушбахт.
Ба гуфтаи ӯ, дар ҳамаи муассисаҳои таълимии ҷумҳурӣ низ машғулиятҳо мувофиқи барномаи таълимӣ ҷараён доранд.
Корманди масъули Раёсати маорифи шаҳри Душанбе Асомиддин Бобоев ба “Азия-Плюс” хабар дод, ки марҳум Хуршед Каримов 60-сола буд.
“Дар ягон муассисаи таълимии кишвар карантин ҷорӣ нашудааст. Вазорат ҷиҳати пешгирии паҳншавии беморӣ ҳамаҷониба чора меандешад. Дар ҳамаи макотиби таҳсилоти умумӣ ва олӣ, инчунин муассисаҳои томактабӣ меъёрҳои санитарӣ риоя мешаванд. Хонандагон ба машғулиятҳо бо ниқоби тиббӣ меоянд, доир ба тадбирҳои бехатарӣ корҳои фаҳмондадиҳӣ гузаронида мешаванд”, - иттилоъ дод ӯ.
Ӯ қайд кард, ки айни замон дар ҳамаи муассисаҳои таълимии пойтахт корҳои безараргардонӣ (дезинфеския) гузаронида мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста