Раиси шаҳри Хуҷанд Маъруф Муҳаммадзода рӯзи 25-уми апрел ҷаласаи Ситоди шаҳрӣ оид ба пешгирӣ аз паҳншавии бемории коронавирусро баргузор кард.
Бино ба иттилои дафтари матбуоти раиси шаҳр, зимни ҷаласа Маъруф Муҳаммадзода таъкид дошт, ки айни замон баҳри пешгирии бемории сироятӣ масъулин бояд ҷиҳати корҳои фаҳмондадиҳӣ ба аҳолӣ, назорати кӯдакону наврасон зимни таътил, бидуни зарурат ба кӯча набаромадани калонсолон тадбирҳо андешанд.
Зимнан гуфта шуд, ки бояд шаҳрвандон дар ҳолати баландшавии ҳарорати бадан ҳатман "Ёрии таъҷилии тиббӣ"-ро даъват кунанд.
“Кори бомароми бозорҳо бо риояи қоидаҳои беҳдоштӣ зери назорат гирифта шавад, савдои кӯчагӣ аз байн бардошта шавад”, - таъкид гардид дар ҷаласа.
Мо имрӯз ба бозори бузургтарини минтақа – “Панҷшанбе” рафта, шоҳиди он будем, ки назар ба рӯзҳои дигар ин ҷо хеле камодам аст.
Қобили зикр аст, ки рӯзи 25-уми апрел 19 нафар, аз ҷумла, 14 нафар табибону кормандони тиббии Беморхонаи марказии ноҳияи Ҷаббор Расулов, ки дар он шаҳрванд Шодиев аз бемории илтиҳоби шуш фавтид, аз карантин ҷавоб шуданд. Дар байни онҳо 5 каси бо Шодиев алоқадошта низ ҳастанд.
“Субҳи рӯзи шанбе моро аз карантини 21-рӯза дар беморхонаи сироятии Хуҷанд ҷавоб доданд. Дар бораи вазъи саломатӣ маълумотнома гирифтем ва айни замон ҳама худро хуб ҳис мекунем. Аз имрӯз, 27-уми апрел ба иҷрои вазифаҳои худ шурӯъ карда метавонем”, - изҳор дошт ба “Азия-Плюс” Алишер Абдукаримов, муовини сардухтури беморхонаи марказии ноҳияи Ҷаббор Расулов.
Ёдовар мешавем, ки пас аз фавти Шодиев хешовандону наздикон ва касонеро, ки бо ӯ алоқа доштанд, барои эҳтиёт ба карантин гирифтанд.
Дар Раёсати тандурустӣ ин қарор чунин шарҳ дода шуд: “Гумонбар будем, аз ин рӯ, онҳоро ҷудо кардем. Ғайр аз ин, чанде аз кормандони беморхона таби баланд доштанд. Таби хешовандони Шодиев баланд набуд, вале ба ҳар ҳол, мо тасмим гирифтем, ки онҳоро зери назорат мегирем”.
Дар Раёсати тандурустии вилоят хабар доданд, ки то соати 8:00-и рӯзи 27-уми апрел 482 нафар дар минтақаҳои карантини вилоят қарор доранд. Пас аз карантин 3219 кас ҷавоб шуда, дар ҳеҷ кадоме аз онҳо сирояти коронавирус ошкор нашудааст.
Корҳои безараргардонӣ
Се шабонарӯзи охир бо дастури раиси шаҳри Хуҷанд Маъруф Муҳаммадзода бо мақсади пешгирии бемориҳои сироятӣ ва ҳифзи солимии шаҳрвандон дар маркази маъмурии вилоят ҳамаҷониба тадбирҳо меандешанд. Пеш аз ҳама, дар макони ҷамъшавии издиҳоми мардум, кӯчаву хиёбон, боғу истгоҳҳо ва дигар ҷойҳои серодам корҳои безараргардонӣ (дезинфексия) гузаронида мешаванд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста