Чанде аз кормандони Бемористони Ибни Сино ба бемории сироятие, ки дар кишвар паҳн мешавад, гирифтор шудаанд. Дар ин бора раиси ҳайати мудирони Бемористони Ибни Сино Абдухалил Холиқзода дар саҳифааш дар Facebook хабар додааст.
“Бемории вогире, ки дар кишвари мо шуюъ кард, мутаассифона, ҳатто мо, кормандони риштаи тибро ғофилгир намуд. Чанд нафар аз кормандони Бемористони Ибни Сино низ ба ин беморӣ мубтало шуданд ва дар ҳоли ҳозир зери муроқибат қарор доранд. Умедворам, ба зудӣ сиҳат ёбанд ва сари кор баргарданд”, - навиштааст Холиқзод.
Ӯ қайд мекунад, ки мудирияти Бемористони Ибни Сино басуръат дармонгоҳро барои қабули маризони уфунӣ (сироятӣ) омода сохта, ин омодагиҳо сар аз таъмини васоили ҳифзи шахсии кормандон то бозсохти таъминотӣ ва таъсисотиро дар бар мегиранд.
“Хушбахтона, дар ҳоли ҳозир бемористонҳои таъсисдодаи Вазорати беҳдошт тахтҳои кофӣ барои қабули ин беморон доранд. Мо ният дорем, ки аз аввали ҳафтаи оянда, рӯзи 4 май ҳамаи омодагиҳоро барои қабули беморони уфунӣ ба сомон расонем ва агар Вазорати тандурустӣ лозим донад, мо низ ба қабули беморони сироятӣ оғоз хоҳем кард”, - навиштааст Абдухалил Холиқзод.
Аммо дар навиштаи ӯ аз кадом ангезанда сироят ёфтани кормандони бемористон, паҳншавии кадом беморӣ дар кишвар ва ба қабули чӣ гуна беморон омода шудани онҳо маълумот дода нашудааст.
Тибқи иттилооти расмӣ, дар Тоҷикистон ягон ҳолати сирояти коронавирус ба қайд гирифта нашуда, лекин мувофиқи маълумоти Вазорати тандурустӣ, шумори беморони илтиҳоби шуш (пневмония) дар кишвар меафзояд.
Дар шабакаҳои иҷтимоӣ хабар медиҳанд, ки беморхонаҳои қабули шахсони гирифтор ба илтиҳоби шуш дар Душанбе аз имкон зиёдтар пур шудаанд. Чунин хабарҳо аз минтақаҳо низ мерасанд.
Бино ба маълумоти Вазорати тандурустӣ, маркази тиббии №1-и шаҳри Душанбе мавсум ба “1-ум Советский” то 27-уми апрел 319 нафарро ба гумони мубталоӣ ба сирояти бемории илтиҳоби шуш қабул кардааст, ки 136 нафарашон кормандони соҳаи тиб мебошанд. То он рӯз дар бемористони мазкур 11 нафар вафот кардаанд.
Қаблан Вазорати тандурустӣ дар бораи якчанд ҳолатҳои фавти одамон дар минтақаҳои карантин аз бемории илтиҳоби шуш ва сил хабар дода буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста