Раиси шаҳри Душанбе Рустами Эмомалӣ бо рафти иҷрои корҳо дар сохтмони беморхонаҳо барои сироятёфтагон аз коронавирус шинос шуд.
Бино ба иттилои дафтари матбуоти шаҳрдории пойтахт, ӯ аз ду бинои сохтмонаш нотамом боздид карда, ба сохторҳои дахлдори шаҳр дастур дод, ки яке аз онҳо дар муддати 3 рӯз барои қабул ва муолиҷаи 600 нафар сироятёфтагон тайёр карда шавад.
Ӯ ҳамчунин супориш дод, ки беморхона бо тамоми шароити муосири замонавӣ, бахусус, мутахассисони баландихтисоси соҳибтаҷриба, таҷҳизоти тиббӣ ва дорувории баландсифат барои истифодабарӣ таъмин шавад.
Зикр мешавад, ки беморхона дар бинои 6-ошёнаи ҳозиразамон дар масоҳати беш аз 14 ҳазору 200 метри мураббаъ ҷойгир буда, аз 110 утоқи муолиҷавӣ ва 24 утоқи кори табибон, кабинетҳои доругузаронӣ ва табобатии соҳавӣ, ошхонаи замонавӣ барои 200 нафар дар як вақт ва дигар инфрасохтори зарурӣ иборат мебошад ва дар наздиктарин фурсат бо катҳои хоб ва доруворию таҷҳизоти тиббии муосир муҷаҳҳаз гардонида мешавад.
То 4-уми май дар мамлакат 230 ҳолати сироятёбии шаҳрвандон ба коронавируси нави COVID-19 ошкор шудааст. Аз ҷумла, 110 ҳолат дар шаҳри Душанбе, 22 ҳолат дар шаҳру ноҳияҳои тобеи ҷумҳурӣ, 7 ҳолат дар ВМКБ, 21 ҳолат дар вилояти Хатлон ва 70 ҳолат дар вилояти Суғд.
Бинои дуюм (10 ҳазору 355 метри мураббаъ) аз 8 ошёна ва таҳхона иборат буда, дар он утоқҳо барои қабул ва табобати беморон, утоқҳои кори табибон ва духтурони соҳавӣ, ташхисгоҳ, утоқҳои махсус барои нигоҳдории доруворӣ ва таҷҳизоти тиббӣ, 3 адад лифт, ҳуҷраҳои техникӣ, толори варзишӣ ва маҷлисгоҳ, ошхонаи замонавӣ, утоқҳои шустушӯй ва дигар иншооти зарурӣ пешбинӣ шудаанд.
Раиси шаҳр дар ҷараёни боздид аз иншоот мақомоти дахлдор ва масъулини соҳаро вазифадор кард, ки бо назардошти вазъи имрӯзаи ҷаҳони муосир корҳои сохтмону васлгарӣ ва рангу пардози биноро дар муҳлати 1 моҳ ба анҷом расонда, онро барои муолиҷаи то 200 нафар гирифторони бемориҳои сироятӣ бо тамоми шароити муосири замонавӣ омода кунанд.
Раиси шаҳр ҷараёни корҳои омодагӣ ва ташкилиро дар беморхонаи дигари табобатӣ барои бемориҳои сироятӣ, алалхусус, беморони сироятии короновирус COVID-19 аз назар гузаронид.
Ёдрас мекунем, ки қаблан раиси шаҳри Душанбе дастур дода буд, ки дар фурсатҳои кӯтоҳтарин аз ҳисоби имконот ва захираҳои мавҷуда барои муолиҷаи сироятёфтагон беморхонаҳои муваққатӣ бо 3 ҳазор ҷой тайёр карда шаванд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Кулли ахбор
Авторизуйтесь, пожалуйста