Дар мусоҳиба ба “Азия-Плюс” ҷарроҳи маъруфи кишвар, номзади илмҳои тиббӣ, Ходими шоистаи Тоҷикистон Саид Нодирӣ изҳор дошт, ки дар ӯ коронавирус ошкор шуда, аввали даҳаи дуюми моҳи май дар беморхонаи “Истиқлол”-и шаҳри Душанбе бистарӣ шудааст.
Табиб қайд кард, ки дар беморхонае, ки ӯ муолиҷа мегирифт, табибони вирусшинос хеле кам буда, асосан терапевтҳо (табибони бемориҳои дохилӣ ё дарунӣ) ва ҷарроҳон ба муолиҷаи беморон машғуланд.
“Баъзе антибиотикҳоро беморон, аз ҷумла худи ман ҳам аз ҳисоби худ мехаридем. Пас аз доруворӣ таъин кардани табибон, ки дар захираи худи беморхона ёфт намешуданд, ман аз ҳамшираҳои шафқат, ки ба кӯча мебаромаданд, дархост мекардам, ки ин доруҳоро харида оранд. Барои ин корашон аз онҳо хеле миннатдорам”, - гуфт Нодирӣ.
Ба гуфтаи ӯ, қариб ҳамаи беморони дар “Истиқлол” бистаришуда ба бемории шиддатноки асаб гирифтор буда, вазъашон хеле нороҳат аст ва бо ҳамдигар қариб гуфтугӯ намекунанд.
“Ба ақидаи ман, имрӯз дар Тоҷикистон ба равоншиносон на камтар аз вирусшиносон эҳтиёҷ мавҷуд аст”, - чунин мешуморад табиб.
Чанде пеш вазири тандурустии ҷумҳурӣ Ҷамолиддин Абдуллозода, ки қаблан худаш сардухтури беморхонаи “Истиқлол” буд, дар мусоҳиба ба АМИТ “Ховар” изҳор намуд, ки табобати беморони коронавируси нави COVID-19 дар Тоҷикистон пурра ройгон буда, имрӯз маводи доруворӣ ва муҳофизатӣ дар мамлакат кофист.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста