Сохтмони эстакадаи сесатҳаи дуюм дар мавзеи буриши хиёбонҳои Исмоили Сомонӣ ва Абӯалӣ ибни Сино ба охир расида, он 25 июн ба истифода дода мешавад.
Тавре ба “Азия-Плюс” як манбаъ аз ҳукумати ҷумҳурӣ хабар дод, дар маросими ифтитоҳи он президенти Тоҷикистон Эмомалӣ Раҳмон иштирок мекунад.
Ба иттилои манбаъ, роҳи мошингард тариқи ин эстакада аз муҷассамаи Абӯалӣ ибни Сино то дарвозаҳои ғарбии Душанбе боз мешавад.
Аз рӯйи лоиҳа дар сатҳи дуюми ин эстакада роҳи ҳалқавӣ сохта шудааст, ки ҳаракати он тариқи чароғакҳо танзим ва идора мешавад. Дар сатҳи сеюм аз самти шарқ ба ғарб пули 125-метра бунёд шудааст. Дар лоиҳаи мазкур бунёди 4 гузаргоҳи зеризаминӣ барои пиёдагардон низ пешбинӣ шудааст.
Корҳои таъмиру сохтмони эстакадаи мазкур моҳи феврали соли 2018 оғоз гардида, тавре ки муовини сарвазири ҷумҳурӣ Азим Иброҳим пас аз боздид аз корҳои сохтмон моҳи декабри соли гузашта хабар дода буд, бояд баҳори соли 2020 ба итмом мерасид.
Қобили зикр аст, ки эсткадаи сесатҳа дар доираи амалисозии лоиҳаи “Беҳтар кардани ҳолати роҳи минтақавии Душанбе – Турсунзода, қитъаи роҳ аз муҷассамаи Абӯалӣ ибни Сино то дарвозаи ғарбии шаҳри Душанбе” бунёд шуд.
Амалисозии лоиҳаи ба ин монанди сохтмони эсткада соли гузашта дар маҳаллаи 82-юми пойтахт ба анҷом расид. Аммо дар он ҷо ҳам алҳол корҳо пурра ба анҷом нарасида буданд: ҳаракат тариқи ин роҳ аз самти микрорайони 84-ум ба самти микрорайони 112-ум боз буда, қисмати ғарбии роҳ, аз микроайони 82-юм то дарвозаҳои ғарбӣ баста боқӣ монда буд ва дар он ҷо корҳои сохтмон ҷараён доштанд.
Ёдрас мекунем, ки дар доираи татбиқи Нақшаи генералии шаҳри Душанбе то соли 2030 дар пойтахти Тоҷикистон наздики 20 эстакадаи нав сохта мешавад.
Бино ба маълумоти шаҳрдории Душанбе, айни замон лоиҳаҳои сохтмони эстакадаҳои се ва дусатҳа дар мавзеъҳои Сирки давлатӣ, гардиши Комбинати нассоҷӣ (Текстил) ба самти Комбинати гӯшт (Мясокомбинат), гардиши фурудгоҳ, Комбинати равғану шир, сафорати ИМА дар Душанбе, маҳаллаи 102, дарвозаҳои ғарбии пойтаахт, Корхонаи сементбарорӣ, бозори”Корвон” дар марҳилаи баррасӣ қарор доранд.
Эстакадаҳои нав аз ҳисоби маблағҳои буҷети шаҳрдории пойтахт ва лоиҳаҳои сармоягузорӣ сохта мешаванд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Кулли ахбор
Авторизуйтесь, пожалуйста