Аз 1 июл парвози ҳавопаймоҳо аз Тоҷикистон бо хатсайрҳои байнулмилалӣ - Амороти Муттаҳидаи Араб (АМА) ва Ӯзбекистон барқарор карда мешавад.
Тавре АМИТ “Ховар” иттилоъ медиҳад, тибқи қарори Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 мусофирони ин хатсайрҳо бояд ҳатман бо худ маълумотномаи тиббӣ дошта бошанд.
“Агентии авиатсияи граждании Тоҷикистон вазифадор карда шуд, ки масъалаи ташкили парвозҳоро ба самти Русия, Туркия ва Чин мавриди омӯзиш қарор дода, ба Ситоди ҷумҳуриявӣ таклифу хулоса пешниҳод намояд”, - омадааст дар хабар.
Гуфта мешавад, дар мувофиқа бо Ситод ҳамчунин парвозҳои транзитӣ ва чартерӣ барои интиқоли молу маҳсулот тариқи хатсайрҳои байналмилалӣ анҷом дода мешаванд.
Ёдрас мекунем, ки бо мақсади пешгирии паҳншавии коронавирус Тоҷикистон аз 20 март ҳамаи фурудгоҳҳояшро барои қабулу парвоз баст. Аммо баъдан якчанд парвозҳои чартерӣ ташкил карда шуданд, ки тоҷикистониёни дар хориҷи кишвар дармондаро ба ватан оварданд.
Алоқаи ҳавоӣ байни Тоҷикистону Чин ҳанӯз охири моҳи январ ва бо кишвари ҳамсояи Ӯзбекистон аз 16 март боздошта шуда буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста