Раисҷумҳури Тоҷикистон аз ҷорисозии ҷавбогарии ҷиноятӣ барои паҳн кардани бемориҳои сироятӣ ҷонибдорӣ кард.
Эмомалӣ Раҳмон 4-уми июл тағйиротро ба моддаи 207 КҶ ҶТ (Вайрон кардани қоидаҳои санитарию эпидемиологӣ, ки аз беэҳтиётӣ боиси бемории оммавӣ ё заҳролудшавии одамон гардидааст) имзо кард.
Тавре ба “Азия-Плюс” як манбаъ аз Вазорати адлияи Тоҷикистон иттилоъ дод, мувофиқи тағйирот, дар кишвар барои паҳнкунии бемориҳои сироятӣ, аз ҷумла сирояти коронавирус ҷавобгарии ҷиноятӣ ҷорӣ мешавад.
Барои касоне, ки чунин ҷиноят содир мекунанд, то 5 сол ва агар ин амал ба расонидани зарари вазнин ба саломатӣ боис гардида бошад, аз 5 то 10 сол ҷазои маҳрумият аз озодӣ пешбинӣ шудааст.
Ҷазо барои паҳнкунии бемории сироятӣ дар моддаи 207-и КҶ ҶТ зикр гардида буд. Акнун онро таҳрир ва илова карданд.
Дар моддаи “Вайрон кардани қоидаҳои санитарию эпидемиологӣ, ки аз беэҳтиётӣ боиси бемории оммавӣ ё заҳролудшавии одамон гардидааст”, ҷазои ҷаримаи калон, корҳои ислоҳӣ ё маҳрумият аз озодӣ то 2 сол пешбинӣ гардида буд.
Дар тағйирот шарти нави “дар сурати пайдо шудан ва паҳншавии бемории барои одам хатарнок” илова шуд, ки мувофиқи он ҷазо то 5 соли зиндон дароз мешавад. Қаблан дар мусоҳибаи “Азия-Плюс” муовини раиси Кумитаи қонунгузорӣ ва ҳуқуқи инсони парлумон Равшан Раҷабзода изҳор дошта буд, ки вазъияти ҷории вобаста ба пандемия низ ба ҳамин ҷо дохил мешавад.
Ёдрас мекунем, ки рӯзи 4-уми июл раисҷумҳур тағйиру иловаҳо ба Кодекси ҳуқуқвайронкунии маъмурӣ ва Кодекси ҷиноятиро имзо кард.
Мувофиқи ин тағйирот, барои паҳнкунии маълумоти бардурӯғу носаҳеҳ дар бораи пандемия тариқи ВАО ҷарима ба маблағи аз 580 сомонӣ барои шахсони воқеӣ ва то 11 ҳазору 600 сомонӣ барои шахсони ҳуқуқӣ ҷорӣ мешавад.
Минбаъд барои ниқоб надоштан дар ҷойҳои ҷамъиятӣ шаҳрвандон ба маблағи аз 116 то 290 сомонӣ ҷарима мешаванд.
Тағйиру иловаҳо пас аз нашр дар васоити ахбори умуми давлатӣ мавриди амал қарор мегиранд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста