16-умин синамобазми “Бо ҳам пирӯз шудем” («Победили вместе») дар шаҳри Севастополи Русия аз 27-уми август то 4-уми сентябри соли ҷорӣ баргузор мешавад.
Тавре ба “Азия-Плюс” яке аз даъватиёни он Далер Имомалӣ иттилоъ дод, ин кинофестивал бахшида ба 75-солагии Ғалаба дар Ҷанги Бузурги Ватанӣ бояд нимаи моҳи май баргузор мешуд, аммо аз сабаби шуюъи бемории COVID-19 ба санаи нав мавқуф гузошта шуд.
Вай афзуд, ки аз Тоҷикистон имсол 2 филми мустанад ба ин ҷашнвора роҳхат гирифтанд.
Дар бахши озмунӣ филми коргардон Шоҳҷамшед Умарӣ “Ҳаворӣ-2019” намоиш дода мешавад. Он аз зиндагии марди рустабори муқими шаҳри Душанбе қисса мекунад, ки ҳоло макони зисташ зери кӯпруки марказии пойтахти Тоҷикистон аст. Ин филм соли 2019 дар доираи дарсҳои омӯзишии “My Vision” таҳия шуда, аввалин маҳсули коргардонии Шоҳҷамшед Умарӣ ба ҳисоб меравад.
“ШӯрH2О” филми дигарест, ки дар бахши муаррифии “Осиё ва Аврупо” ғайриозмунӣ иштирок мекунад. Коргардонҳои филм Дилошӯб Орифзода ва Далер Имомалӣ мебошанд. Филми мазкур аз зиндагии сокинони шаҳраки Шӯроби Исфара қисса мекунад, ки ҳоло мушкили асосии онҳо камбуди об мебошад. Ин филм аз ҷониби дафтари“Интернюс” дар Тоҷикистон маблағгузорӣ ва дар студия “Art-Vision” таҳия шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста