Дар шаҳраки Ваҳдати ноҳияи Шуғнони ВМКБ сохтмони беморхонаи замонавӣ оғоз гапрдида, айни замон сохтмони беморхона бо маблағгузории Вазорати тандурустӣ  дар ҳаҷми 22 млн 778 ҳазор сомонӣ идома дорад. Ба ҳолати ҳозира корҳои  сохтмонӣ ба андозаи 2 млн 941 ҳазор сомонӣ ба анҷом расонида шудаанд.

Бино ба иттилои Вазорати тандурустӣ, сохтмони бинои  нави Беморхонаи минтақавии Вранг бо дастгирии ин Вазорат ба маблағи 6 млн 300 ҳазор  сомонӣ  оғоз гардида, корҳои сохтмонии он то кунун ба андозаи 934 ҳазор сомонӣ ба анҷом  расонида шудаанд.

Айни замон корҳои таъмири асосии шӯъбаҳои сироятии Беморхонаи марказии ноҳияи Ванҷ, шӯъбаи сироятии Беморхонаи марказии ноҳияи Шуғнон, шӯъбаи ҷарроҳии  Беморхонаи марказии ноҳия Ишкошим  бо маблағгузории Вазорати тандурустӣ бомаром идома доранд.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.