Ширкати ҳавопаймоии«Red Wings Airlines»-и Русия барои анҷоми парвозҳо аз Русия ба Тоҷикистон иҷозатнома гирифт. Ширкат аз 30 август ба иҷрои парвозҳо бо ин хатсайр оғоз мекунад.
Тавре ба “Азия-Плюс” як манбаи огаҳ аз сафорати Тоҷикистон дар Русия хабар дод, шумори хатсайрҳои чартерӣ аз минтақаҳои гуногуни Русия ба Тоҷикистон аз 1 сентябр зиёд мешавад.
“Шумори ширкатҳои ҳавопаймоие, ки ба Тоҷикистон парвозҳои чартерӣ анҷом медиҳанд, зиёд шуд. Ҳозир ду ширкати ватании “Сомон Эйр” ва “Тоҷик Эйр”, ҳамчунин ду ширкати русиягии «Уральские авиалинии» ва «Red Wings Airlines» парвозҳоро иҷро мекунад”, - гуфт манбаъ.
Ҳамчунин ӯ изҳор дошт, ки аз 1 сентябр ҳамарӯза ҳадди ақал ду бор аз Маскав ва дар ду рӯз як маротиба аз Санкт-Петербург парвозҳо анҷом дода мешаванд.
Ба гуфтаи ӯ, баъди аз ҷониби ҳавопаймои ширкати “Тоҷик Эйр” ба иҷро расидани ҳамаи парвозҳои пешбинишуда (27 ва 30 август), ҳавопаймо бояд аз таъмири асосӣ гузарад.
“Баъзе қисму ҷузъҳои ҳавопаймо куҳна шуда, ширкат ният дорад, ки онро ба таъмири асосӣ диҳад. Ба ҷойи “Тоҷик Эйр” парвозҳоро ширкати русиягии «Red Wings Airlines» иҷро мекунад”, - илова кард манбаъ.
Дар хадамоти матбуоти ширкати ҳавопаймоии “Тоҷик Эйр” ба Азия-Плюс” хабар доданд, ки дар бораи таъмир чизе намедонанд ва ин масъаларо раҳбарияти ширкат ҳал мекунад.
Ёдрас мекунем, ки ҳангоми ворид шудан ба Тоҷикистон шаҳрвандон бояд бо худ маълумотнома дар бораи надоштани сироят аз коронавирус дошта бошанд, ки ташхисаш на дертар аз 96 соат (4 шабонарӯз) то омадан гирифта шуда бошад. Барои кӯдакони синни то 3-сола пешниҳоди маълумотнома зарурат надорад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста