Таваллудхонаи вилоятии Суғд ба карантин баста шуд. Дар ин бора ба “Азия-Плюс” аз Раёсати тандурустии вилоят хабар доданд.
Ба иттилои манбаъ, таваллудхонаи вилоятӣ бо сабаби дар он ҷо дарёфт шудани аз коронавирус сироят ёфтани чанде аз кормандони тиббӣ ва занони ҳомилаи бистарӣ ба карантин гирифта шуда, онҳо ба Беморхонаи вилоятии Суғд фиристода шудаанд.
Гуфтугӯҳо атрофи баста шудани таваллудхонаи вилоятии Суғд як моҳ инҷониб идома доранд Ин гуфтугӯҳо пас аз фавти мудири таваллудхона Шоира Бузурукова дар моҳи июл оғоз шуданд. Ба гуфтаи сокинон, занони ҳомиларо он ҷо қабул накарда, лекин далели баста шуданро ҳам тасдиқ намекарданд.
Зикр шуд, ки ҳозир занони ҳомидаро дар таваллудхонаи шаҳри Хуҷанд қабул карда мешаванд. Шахсонеро, ки таби баланд доранд, баъди гирифтани ташхис ба беморхонаи вилоятӣ мефиристанд.
“Дар таваллудхонаи вилоятӣ корҳои безараргардонӣ ва дигар чорабиниҳои санитариву беҳдоштӣ гузаронида мешаванд. Таваллудхона ба муҳлати 14 рӯз ба карантин гирифта мешавад. Тамоми ҳайати тиббии таваллудхона низ муддати 2 ҳафта дар карантн қарор хоҳанд дошт”, - гуфт манбаъ.
Дарёфти маълумот дар ин бора аз Вазорати тандурустии ҷумҳурӣ муяссар нашуд.
Ёдрас мекунем, ки сардори Раёсати тандурустии вилоят Фаррух Мақсудзода зимни нишасти хабарӣ изҳор дошт, ки бар асари пандемияи коронавирус 16 тан аз сокинони вилоят фавтиданд.
Ӯ зикр кард, ки аз замони оғози пандемия дар қаламрави вилоят ҳамагӣ 1938 нафар сироятёфтагон аз COVID-19 ба қайд гирифта шуда, аз ин шумор 1891 нафари онҳо шифо ёфтанд.
Боз 7117 нафар шаҳрвандони Тоҷикистон, ки сарҳадро гузаштанд, 14 рӯз дар бемрхонаҳо ба карантин гирифта шуда, зери муоинаи табибон қарор доштанд ва пас аз натиҷаи ташхиси манфӣ ба коронавирус, ба хонаҳояшон рухсат дода шуданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста