21 сентябр - Рӯзи байнулмилалии сулҳ дар Тоҷикистону Қирғизистон ва Ӯзбекистон фаъолони ҷомеаи шаҳрвандӣ ба баргузории як силсила чорабиниҳо оғоз намуданд, ки то аввали моҳи октябр идома меёбанд.
Чорабиниро аз номи Шарикии глобалӣ оид ба пешгирии низоъҳои мусаллаҳона (Global Partnership for the Prevention of Armed Conflict / GPPAC) бар асоси ихтиёрӣ ходимони ҷамъиятӣ аз Қирғизистону Ӯзбекистон ва Тоҷикистон барпо мекунанд, ки намояндагони GPPAC дар Осиёи Марказӣ мебошанд.
Дар мактабу боғ, варзишгоҳу дигар ҷойҳои ҷамъиятӣ иқдомҳое шурӯъ гардиданд, ки ба ҷалби ҷомеаи маҳаллӣ ҷиҳати муҳимияти нигаҳдориии сулҳ дар Осиёи Марказӣ равона шудаанд, хабар дод ба “Азия-Плюс” директори ташкилоти ҷамъиятии “Журналистика ва демократия” (Тоҷикистон) Фаррух Аҳроров.
Ба гуфтаи ӯ, дар Ботканд, Бишкек, Бухоро, Ҷалолобод, Ҷиззах, Конибодом, Қаршӣ, Лайлак, Намангон, Нуқус, Ош, Панҷакент, Тошканд, Урганҷ, Хуҷанд, Исфара ва дигар шару навоҳӣ ҷавонон иқдомҳо дар кӯча, мусобиқаҳои варзишӣ, муколамаҳо оид ба сулҳ, озмуни расми беҳтарин дар асфалт ва дигар чорабиниҳо ташкил мекунанд.
Дар баргузории ин чорабиниҳо ходимони ҷамъиятӣ, маъмуриятҳои мақомот ва сокинони маҳаллӣ кумак мекунанд.
Ҳадаф аз баргузории чорабиниҳо наздикшавии маънавӣ ва фарҳангии ҷомеаи се кишвар барои коҳиши сатҳи шиддат дар минтақа аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста