Ситоди ҷумҳурявии мубориза бо коронавирус дар Тоҷикистон ҳанӯз бар сари боз шудани марз бо Узбекистон тасмим нагирифтааст. Дар ин бора Вазорати корҳои хориҷии Тоҷикистон ба “Азия-Плюс” хабар дод.
“Мо ҳамагӣ, дирӯз иттилоияи расмиро аз Узбекситон, ки ҳадаф доранд марзро боз кунанд, дарёфт кардем. Мо мактбуро ба Ситоди ҷумҳурявии пешгирӣ аз паҳншавии коронавирус равон кардем. То кунун посухи ситодро нагирифтаем”,-мегӯянд дар ВКХ.
Дар ВКХ мегӯянд, ба далели ҳамагирӣ танҳо Ситоди ҷумҳурявӣ тасмим мегирад ва шароити убуру ворид шудан аз марзро муаяйн мекунад ва ҳамчунин маҳдудиятҳоро ҷорӣ менамояд.
Узбекистон аз 1 октябр марзҳояшро бо ҳамаи кишварҳо боз кардааст ва онҳоро ба гуруҳҳо тақсим намуд, ки мувофиқи он маҳдудиятҳо ҷорӣ мекунад.
Дар гузаргоҳи марзии “Дӯстӣ” иттилоъ доданд, ки дирӯз танҳо шумори хеле кам марзро гузаштаанд.
«Ба Узбекистон ҳамагӣ чанд нафарро ба далели ҳаводисе, ки дар хонаводаашон иттифоқ уфтодааст иҷозаи вуруд додаанд. Ба Тоҷикистон бошад автобуси ҳомили донишҷӯёни узбекистоние, ки дар донишгоҳу донишкадаҳои мо мехонанд, ворид шуд”,-гуфтанд дар гузаргоҳи марзӣ.
Дар яке аз гузаргоҳҳои марзии миёни Тоҷикистону Узбекистон ба «Азия-Плюс» гуфтанд, ки марзҳо бозанд, вале шаҳрвандон танҳо баъди интихоботи президентӣ, ки 11-уми октябр баргузор мешавад, метавонанд марзро убур ё ворид шаванд.
Дирӯз дар гузаргоҳҳои “Пахтаобод” ва “Фотеҳобод” марзбонони тоҷик ба Радиои «Озодӣ» гуфтаанд, ки марзро танҳо шаҳрвандоне убур карда метавонанд, ки бо шаҳрвандони Узбекистон ақди никоҳ доранд.
Ҳамчунин гуфтаанд, ки шаҳрвандони Тоҷикистон, ки дар Узбекистон қарор доранд, метавонанд озодона ба кишвар баргарданд. Ворид шудан ба Тоҷикистон ҳамчунин ба мошинҳои боркаши дорои рақамҳои Русия низ иҷозат аст, агар ронанда шаҳрвандии Тоҷикистонро дошта бошад.
Бино ба тасмими ҷониби Узбекистон шахсоне, ки ба қаламрави ин кишвар аз Тоҷикистон ворид мешаванд, бар асоси шартҳои “минтақаи сурх” муносибат мешавад. Яъне ба ҳудуди Узбекистон танҳо бо доштани маълумотномаи манфии (ПЦР-тест) гирифтор набудан ба коронавирус, ки дар 72 соати ахир санҷида шудааст, иҷозаи вуруд медиҳанд.
Ҳамчунин дар ҳамаи гузаргоҳҳои марзии миёни ду кишвар озмоишгоҳо насб шудаанд, ки он ҷо мешавад бо пули худ тест супорид, ки натиҷааш дар 10 дақиқа маълум мешавад. Арзиши тест $20 аст. Шахсони, ки гирифторияшон ба вирус маълум мешавад, иҷозаи вурудро надоранд. Онҳое, ки маълумотнома доранд, тест намесупоранд. Кишварҳое, ки барои Узбекистон “минтақаи сурх” дониста мешаванд, агар шаҳрвандонашон аз тариқи гузаргоҳҳои пиёдагузару мошингард ба ин кишвар ворид шаванд 14-рӯз қарантин мешаванд ё дар хонаву меҳмонхона мемонанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста