Вазири нақлиёти Тоҷикистон Азим Иброҳим дастур дод, ки нисбат ба таксиҳое, ки ғайриқонунӣ фаъолият доранд, тадбирҳо андешида шавад.
Бино ба иттилои Вазорати нақлиёт, сохторҳои вазорат уҳдадор шуданд, ки дар ҳамдастӣ бо мақомоти шаҳрдории Душанбе шумораи ин намуди нақлиёт, яъне «таксиҳои 5-сомонӣ» ро дар шаҳр муайян намуда, роҳи ҳалли масъаларо пешниҳод намоянд ва роҳеро бояд дарёфт кард, ки бар зарари кор набошад.
Шаҳрдории пойтахт тасдиқ мекунад, ки чунин таксиҳо “бе ҳуҷҷатҳои дахлдори иҷозатномавӣ кор карда, дар хатсайрҳои нақлиёти ҷамъиятии мусофирбар равуо мекунанд ва илова бар ин, ба ҳаракат дар роҳ монеъа эҷод мекунанд”.
Дар маълумот қайд мешавад, ки дар ноҳияҳои шаҳр рейдҳои муштарак доир гардида, бо ронандаҳои ин намуди нақлиёт суҳбатҳо гузаронида шудааст.
“Аллакай пас аз корҳои фаҳмондадиҳӣ 6 нафар ронанда худихтиёрӣ ба ҷамъиятҳои мусофирбарии таксӣ шомил гардида, тариқи шартнома фаъолият мекунанд”, - омадааст дар хабари Вазорати нақлиёт.
Зикр мегардад, ки дар робита ба ин супориш ва ҳалли мушкилот масъулини соҳа аз ҳисоби кормандони Вазорати нақлиёт, БДА, Хадамоти давлатии назорат ва танзим дар соҳаи нақлиёт ва ККВД «Душанбе нақлиётхадамотрасон» гуруҳи корӣ таъсис додаанд.
Қобили зикр аст, ки таксиҳои нахус “3 сомона” ва баъдан “5 сомона” ҳанӯз соли 2010 дар роҳҳои шаҳри Душанбе пайдо шуда, бинобар сабаби дастрасии тезтар ба хизматрасонӣ ва сарфаи вақт, байни мардум хеле зуд писандида шуданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста