Алӣ Бобоҷон, шоири варзидаи кӯдакон ва яке аз муаллифони шеърҳои китобҳои кӯдакона дар Тоҷикистон чанде дақиқа пеш, дар синни 86-солагӣ дар шаҳри Душанбе даргузашт. Дар ин бора наздикони эшон ба "Asia-Plus" хабар доданд. Ба гуфтаи наздикону пайвандонаш ҳоло масъалаи маросими дафну ҷанозаи ӯ мушаххас мешавад.
Алӣ Бобоҷон 10-уми феврали соли 1936 шаҳри Конибодом таваллуд шудааст. Соли 1959 факултаи забон ва адабиёти тоҷики Донишгоҳи омӯзгории Тоҷикистонро хатм карда, фаъолияташро дар рўзномаи «Тоҷикистони Советӣ» (ҳоло «Ҷумҳурият») оғоз намуда, дар чандин нашрияюву нашриёт идома додааст. Аз соли 1992 ба сифати ходими калони илмии Пажуҳишгоҳи забон ва адабиёти ба номи Рӯдакии АИ Тоҷикистон заҳмат кашидааст. Узви Иттифоқи нависандагони Тоҷикистон буд.
Алӣ Бобоҷон муаллифи сори зиёде буд, вале шўҳрати ӯро дар адабиёти тоҷик ашъори кӯдакона таъмин кардааст. ва шахсияти адабиаш ба хотири ашъори бачагона бештар зуҳур гардидааст. Маҷмӯъаҳои «Бачаҳои хуб» (1963), «Мусича» (1965), «Гули бодом» (1966), «Парвози орзу» (1971), «Мавҷи сурур» (1973), «Некӣ ба некӣ» (1976), «Усто-парасту» (1978), «Нилуфар» (1980), «Осмондара» (1981), «Намаки зиндагӣ» (1986), «Зардолуи маҳтобӣ» (1988), «Атри кӯҳистон» (1993), «Базмия» (2000), «Шеъри истиқлол» (12001), «Сад барги Ҳисор» (2001), «Обаки зарин» (2003), «Пайғоми парасту» (2003), «Алифбои парандаҳо» (2004), «Меҳрпайванд» (2006), «Мусиқии баҳор» (2008), «Наврӯзи наврасон» (2012) аз шумули сори манзуми ин адиби шуҳратёри адабиёти кӯдак мебошанд.
Ҳамчунин китобҳои «Домулло Азизов» (1970), «Нахустқаҳрамони тоҷик» (1979), «Тоҷикистони ман» (1983), «Чароғи Ӯялӣ» (дар ҳаммуаллифии Собири Шоҳонӣ; 1996), «Соҳибҳунар» (1998), «Писархонди алоқачиён» (1999), «Конибодом» (дар ду ҷилд), «Меҳрпайванд» (2006), «Дурахши ситора (дар ду ҷилд, 2012) аз осори насрии Алӣ Бобоҷонанд.
Алӣ Бобоҷон ҳамчунин осори чанде аз шоирони озариву ветномиро ба тоҷикӣ тарҷума карда, намунаҳои ашъораш ба забонҳои русию укроинӣ, белорусию ӯзбекӣ, арманию озарӣ, қазоқию қирғизӣ, эстонию литвонӣ ва забонҳои дигар тарҷума ва чоп шудаанд.
Гуруҳи расонаҳои "Asia-Plus" даргузашти ин шоири хушноми тоҷикро барои аҳли илму адаби кишвар таслият гуфта, ба хонаводаву наздикону пайвандонаш сабру шикебоӣ мехоҳанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боздошти 15 нафар барои қасди ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста