Маркази исломии тадқиқоти стратегии шоҳигарии Уммон дар ҳамдастӣ бо Маркази ҳусни тафоҳуми мусалмонӣ-насронӣ дар Ҷорҷтаун рӯйхати 500 нафар мусалмонони бонуфузи саросари ҷаҳонро пешкаши умум гардонид. Таҳқиқот ҳамасола аз соли 2009 нашр мешавад.
Дар раддабандии рӯзи 26 октябр нашршудаи The Muslim 500-2021 бори шашум аст, ки президенти Тоҷикистон Эмомалӣ Раҳмон ва раиси Шӯрои уламои Тоҷикистон Саидмукаррам Абдулқодирзода шомил шудаанд. Онҳо дар рӯйхати 450 шахсиятҳои сол пас аз 50-гонаи беҳтарин (ТОП-50) зикр шудаанд.
Волоҳазрат Шоҳ Карим Ал-Ҳусайнӣ (ҷойи 30-юм) – пешвои исмоилиёни ҷаҳон, ки пайравонаш дар Тоҷикистон низ иқомат доранд, низ дар ТОП-50 қарор дорад.
Дар садри рӯйхати маъруфтарин ва пурнуфузтарин мусалмонони ҷаҳон имсол президенти Туркия Раҷаб Тайиб Эрдуғон ва пас аз ӯ Шоҳи Арабистони Саудӣ Салмон ибн Абдул-Азиз ва Оятулло Алӣ Хоманаӣ - роҳбари олии Эрон аз соли 1989 ҷойгир шудаанд.
Ба 5-гонаи аввал инчнуин Шоҳи Урдун аз соли 1999 Абдулло II Ҳусейн ал-Ҳошимӣ ва Шайх Муҳаммад Тақӣ Усмонӣ шомиланд, ки яке аз олимони саршиноси ҷаҳони ислом аст.
Дар ТОП-50 сарвазири Покистон Имрон Хон (ҷойи 15-ум), шоҳзодаи валиаҳди Арабистони Саудӣ Муҳаммад ибн Салмон (ҷойи 23-юм), футболбози дастаи Ливерпул аз Миср Муҳаммад Салоҳ (ҷойи 42-юм) низ зикр шудаанд.
Дар феҳристи минбаъдаи 450 нафар шахсиятҳои маъруфи ҷаҳони ислом президенти Озарбойҷон Илҳом Алиев, Туркманистон - Гурбангулӣ Бердимуҳаммедов, Чеченистон - Рамзан Қодиров, муфтии Ӯзбекистон Усмон Олимов, инчунин қаҳрамони амалкунандаи UFC дар вазни сабук Ҳабиб Нурмагомедов ва дигарон шомил гардидаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста