Муҳаммадюсуф Имомзода вазири маориф ва илми Тоҷикистон, ба донишҷӯёни тоҷике, ки дар донишгоҳҳои Русия таҳсил мекунанду ба далели ҳамагирии коронавирус ва баста будани марзҳо ба ин кишвар рафта наметавонанд, ваъда дод, ки то кушода шудани роҳ онҳо метавонад дар донишгоҳҳои Тоҷикистон таҳсил намоянд.
Дар мулоқот бо донишҷуён дар Донишгоҳи славянии Русияву Тоҷикистон, намояндаҳои “Россотрудничество” дар Тоҷикистон, Вазорати корҳои хориҷии Тоҷикистон ва Вазорати маориф ва илм иштирок доштанд.
Тавре ба “Азия Плюс” яке аз ин донишҷӯён хабар дод, дар мулоқоти имрӯза Имомзода Муҳаммадюсуф вазири маориф ва илми Тоҷикистон ба мо ваъда дод, ки метавонем дарсҳоямонро то кушода шудани роҳҳо дар донишгоҳои Тоҷикистон идома диҳем. Онҳо гуфтанд, ки шояд дар нимсолаи дуюм роҳо кушода шавад, ҳоло дақиқ нест.
“Ба мо донишҷӯён гуфтанд, ҳуҷҷатҳоятонро гирифта биёед, ман рӯзи шанбе соати 8 шуморо қабул намуда, он ихтисосҳое Шумо таҳсил мекунед ба донишгоҳҳо тақсим мешавед. Ҳамчунин он ихтисосҳое, ки дар кишвар нест, аммо дар Русия ҳаст, мо ба тахасуси наздик ба ин ихтисос шуморо ҷой мекунем”.
Дар ин вохӯри раҳбари “Россотрудничество” дар Тоҷикистон Иван Иванов гуфтааст, ки вазъ дар Русия чандон хуб нест, аз ҳамин сабаб донишгоҳои Русия то 6-уми феврал бастаанд ва донишҷӯён фосилавӣ таҳсил мекунанд.
Бояд гуфт, ки гурӯҳе аз донишҷӯёни тоҷики донишгоҳҳои Русия, ки ба далели ҳамагирии коронавирус имкони рафтан ба он кишварро надоранд, ҳафтаи равон дар пеши Вазорати корҳои хориҷӣ ва бинои сафорати Русия дар Душанбе ҷамъ омада, хостори ҳалли мушкили сафарашон шуданд.
Вазорати корҳои хориҷӣ мегӯяд, аз мушкили ин донишҷӯён огоҳ аст ва масъаларо бо ҷониби Русия дар миён гузоштааст, ки дар ҳоли баррасӣ қарор дорад.
Ин донишҷӯёни мегӯянд, ки дар сафорат рӯзи 11 ноябр ба онҳо гуфтаанд, ки рӯзи 13 ноябр биоянд ва намояндаҳои масъул онҳоро мепазирад ва он ҷо мушкилашонро метавонанд баррасӣ кунанд.
Ин донишҷӯён рӯзи 11 ноябр ба намояндаи сафорат гуфтаанд, ки таҳсили фосилавӣ дар кишвар душвор аст ва мехоҳанд ба макони таҳсили худ бираванд ва дар дарсҳо амалан иштирок кунанд, то битавонанд мутахассиси хубе шаванд,- гуфт яке аз ин донишҷӯён Начибулло Абдуллоев.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
“Бештар хонандагони мактаб мераванд”. Андешаи сокинон перомуни театри тоҷик
Шӯрои уламо: “Ба суханони уламои кишвар амал кунед”
Наздикони ду гумонбари ҳамла ба "Крокус Сити Ҳолл"-и Маскав дар Тоҷикистон аллакай бозпурсӣ шудаанд
“Виза” ҷорӣ шавад”. Баъди ҳамла ба “Крокус Сити Ҳолл” вакилони Русия хостори ҷорӣ кардани раводид бо Тоҷикистон шуданд
Кулли ахбор
Авторизуйтесь, пожалуйста