Дар шимолии Тоҷикистон натиҷаи ташхиси озмоишгоҳии гардановезаи “коронавирус”-и ҷопонии Virus Shut Out дақиқ шуд, ки ба ҷузъ мардумфиребӣ дигар ҳеҷ будааст. Масъулин мегӯянд, дар мӯҳри рӯйи бейҷик бо ҳуруфи ҷопонӣ аз будани диоксид хлор, як намуд моддаи муассири химиявии зидди вирусӣ ишора шудааст, ки дурӯғомез баромад.
Роҳбари КВД “Экспертиза ва озмоиши маҳсулотҳои фармасефтӣ ва тиббӣ дар вилояти Суғд”-и Хадамоти назорати давлатии тандурустӣ ва ҳифзи иҷтимои аҳолӣ Муҳриддин Наботов дар сӯҳбат бо “Азия-Плюс” гуфт, ки онҳо аз рӯйи чаҳор методи реаксияҳои таҳлилӣ бейҷики “коронавирус”-ро ташхис карданд, ки исботи тиббӣ наёфт. Вай мегӯяд, дар таркиби бейҷик бӯй, гази кислотаи истеҳсолӣ ва диоксид хлор мавҷуд набуд.
“Диоксиди хлор бӯйи ба худ хос дорад, он дар ҳарорати аз 10 градус поён ба моеи сурхи ҷигарӣ мубадал мегардад. Вақте хокаи регмонанди бейҷики Virus Shut Out-ро дар ҳамин ҳарорат санҷидем чизе ҳосил нашуд ва моддаи регмонанд низ тағйир наёфт. Ҳангоми гарм намудан бейҷик бояд метаркид, аммо ин бейҷик оташ нагирифт, билъакс онро хомӯш кард. Бояд дар об ба зуддӣ ҳал мешуд, аммо дар фосилаи 24 соат низ ҳал нашуд. Ҳангоми ба кислотаи сулфат ва сирко омезиш кардан мебоист об мешуд, аммо хокаи регмонанди бейҷики “коронавирус” об нашуд.”-
Бино ба иттилои Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Суғд нисбати чаҳор нафар, ки дар фурӯши бейҷики “коронавирус” даст доштанд парвандаи ҳуқуқвайронкунии маъмурӣ тартиб дода шудааст.
“Нисбати чаҳор нафар, 3 нафар масъули дорухона ва як нафар фурӯшандаи бозор парвандаи ҳуқуқвайронкунии маъмурӣ боз шуд. Як масъули дорухона дар шаҳри Хуҷанд ва ду нафар дар ноҳияи Бобоҷон Ғафуров ошкор шуданд, ки ғайриқонуни бейҷики зидди вирусӣ мефурӯхтанд. Ҳамаи ин ҷаҳор нафар дар алоҳидагӣ 2900 сомонӣ ҷаримабандӣ шуданд.”-мегӯяд, манбаъи Азия-Плюс
Бино ба маълумоти Сарраёсати Хадамоти назорати давлатии тандурустӣ ва Маркази санитарию эпидемиологӣ дар Суғд тавонистаанд аз фурӯши ҳамаги 108 дона бейҷики “коронавирус” аз дорухонаву бозорҳо ҷилавгирӣ кунанд. Ин дар ҳолест, ки бейҷик охирҳои моҳи октябр, асосан дар Хуҷанд ба таври густарда фурӯхта мешуд.
Манбаъ афзуд, феълан ба 13 ширкате, ки ба фурӯши молу колои тиббӣ машғуланд, огаҳинома ирсол кардаанд, ки “эҳтиёткор” бошанд ва ба фурӯши бейҷики “короновирус” даст назананд. Масъулин мегӯянд, бо гузашти тахмин як моҳ натавонистаанд воридкунандаи аслии бейҷики ҷопонии Virus Shut Out-ро боздошту бозпурсӣ кунанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Кулли ахбор
Авторизуйтесь, пожалуйста