Дар саросари ҷаҳон иттилои бардурӯғ ва кӯшишҳои дасткории афкори ҷамъиятӣ аз ҷониби ҳукуматҳо меафзояд.
Ин хулосаи муҳаққиқони Донишгоҳи Оксфорд дар натиҷаи омӯзишҳо аст. Ҳамин тариқ, дар ду соли охир шумораи кишварҳое, ки дар онҳо маъракаҳои дезинформатсионии сиёсӣ гузаронида шудаанд, ба 70 расидааст. Ин шумора нисбат ба соли 2017 ду маротиба зиёд аст. Ба рӯйхати мазкур тақрибан ҳамаи кишварҳои Осиёи Марказӣ - Қирғизистон, Қазоқистон, Узбакистон ва Тоҷикистон ворид шудаанд.
Facebook ҳамчун шабакаи иҷтимоии №1 барои иттилоии бардурӯғ боқӣ мемонад. Тибқи натиҷаҳои ин гузориш, 56 кишвар ин шабакаи иҷтимоиро барои маъракаҳои тарғиботии худ истифода мебаранд.
Тибқи иттилои муҳаққиқон, аксари талошҳои дезинформатсионии ҳукуматҳо дар дохили кишвар мутамарказонида шудаанд. Танҳо 7 кишвар кӯшиш мекунанд, ки ба афкори ҷомеаи берун аз марзҳои худ таъсир расонанд. Ба ин дохил мешаванд: Чин, Ҳиндустон, Эрон, Покистон, Русия, Арабистони Саудӣ ва Венесуэла.
Дар солҳои охир, ҳукумати кишварҳои гуногун барои шаклдиҳии афкори ҷамъиятӣ "нерӯҳои киберӣ" - ро истифода кардаанд, аз ҷумла шабакаи ботҳо барои тақвияти паёмҳо, гуруҳи “троллҳо” барои таъқиби мухолифони сиёсӣ ё рӯзноманигорон ва инчунин аккаунтҳои зиёди фейкии шабакаҳои иҷтимоӣ.
Мувофиқи гуфтаи Филип Н. Ҳовард, директори Интернет-институти Оксфорд, маъракаҳои дезинформатсияи онлайниро дигар кори "хакерони танҳо, фаъолони инфиродӣ ё наврасони дар таҳхона буда" ҳисобидан ғалат аст.
"Дар ин фаъолият як касбияти нав пайдо шудааст: ташкилотҳои расмӣ аз нақшаҳои кироя, яъне мукофотпулӣ барои кор ва маъмуронро истифода мебаранд",- мегӯяд ӯ.
Мавод дар доираи Маъракаи рушди маърифати расонаӣ дар Тоҷикистон – “Се нуқта. Бидон, чиро мебинӣ!” таҳия шудааст. Ба саҳифаи “Се нуқта. Бидон, чиро мебинӣ!” дар шабакаҳои иҷтимоии Facebook ва Одноклассники пайваст шавед ва маърифати расонаии худро инкишоф диҳед!
Дигар маводҳои лоиҳаро ин ҷо хонед: Бидон, чиро мебинӣ!
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Visa дар бораи рушди технологияҳои рақамии пардохтӣ дар Тоҷикистон нақл кард
Байни Тоҷикистон ва Британияи Кабир созишнома дар бораи алоқаи ҳавоӣ имзо шуд
То охири сол дар Тоҷикистон пас аз таъмиру навсозӣ 5 роҳи мошингард ба истифода дода мешаванд
Эмомалӣ Раҳмон бо аввалин сафари расмӣ ба Италия ва Ватикан рафт
Кулли ахбор
Авторизуйтесь, пожалуйста