Арабистони Саудӣ то 31 март сарҳадҳояшро баста боқӣ мемонад, хабар медиҳад Вазорати умури дохилии ин кишвар.
Ин қарор рӯзи 8 январ дар робита ба зарурати пешгирии паҳншавии сирояти коронавируси нави штамми “бритониёӣ” қабул шуд. Ин вирус бештар сирояткунанда арзёбӣ мешавад.
“Мутобиқи нақшаи ҳукумати Арабистони Саудӣ, агар вазъи эпидемиологӣ дар кишвар бад нашавад, алоқаи ҳавоӣ, баҳрӣ ва заминӣ охири моҳи март барқарор карда мешавад”, - хабар медиҳад Al Arabiya.
Қаблан зикр гардида буд, ки аз нимаи моҳи январ сарҳадҳо барои зойирин аз ҳамаи кишварҳо бо тадбирҳои маҳдудкунанда боз мешаванд. Ҳукуматдорон ба нақша гирифта буданд, ки вурудро танҳо ба шаҳрвандони синни аз 18 то 50-сола иҷоза диҳанд, то ки барои пиронсолон хатар эҷод нашавад.
Сипас ширкатҳои сайёҳии Тоҷикистон, ки ба сафарбарии шаҳрвандон ба Макка ва Мадина машғуланд, хабар доданд, ки сафари гурӯҳи аввали ибодаткунандагон охири моҳи январи соли 2021 сурат мегирад.
Саъдулло Қурбонов, роҳбари ширкати сайёҳии “Расулсохтмон”, ки ба сафарбарии шаҳрвандони Тоҷикистон ба ҳаҷҷи умра машғул аст, ба “Азия-Плюс” тасдиқ намуда буд, ки сафари зойирин бинобар сабаби қарори ҳукумати Арабистони Саудӣ мавқуф гузошта шудааст. Дар Кумитаи дини Тоҷикистон хабар дода буданд, ки алҳол дар ин хусус огоҳиномаи расмӣ нагирифтаанд.
Вуруд ба Арабистони Саудӣ барои шаҳрвандони хориҷӣ, аз ҷумла Тоҷикистон бо мақсади анҷоми маросими Ҳаҷи умра охири моҳи феврали соли 2020 бар асари хуруҷи коронавирус боздошта шуд.
Дар Кумита зикр карда буданд, ки дар сурати бекор шудани сафар, навбати зойирин пурра нигоҳ дошта шуда, ба соли дигар гузаронида мешавад. Шӯрои уламо бошад, ба зойирин тавсия дод, ки маблағи барои адои маросими ҳаҷ ҷамъовардаашонро ба корҳои хайру эҳсон ва рушду шукуфоии кишвар сарф кунанд.
Қобили зикр аст, ки ҳамасола дар мавсими ҳаҷ қариб 2,5 млн нафар мусалмонон аз саросари дунё барои адои яке аз рукнҳои ҳатмии ислом ба Арабистони Саудӣ роҳ пеш мегиранд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Кулли ахбор
Авторизуйтесь, пожалуйста