Имрӯз масоҷиди Тоҷикистон дубора дари худро ба рӯйи намозгузорон боз карданд. Пас аз фосилаи 10-моҳа дубора боз шудани дари масоҷид барои мусалмонони Тоҷикистон идеро мемонд, ки дар чеҳраи намозгузорон ҳувайдо буд..
“Хеле хушҳол ҳастем, ки дарҳои масоҷид имрӯз ба мо дубора боз шуд. Ва мо кӯшиш мекунем, то талаботро роия кунем”, - гуфт сокини Душанбе Абдуманнон Ёров, ки ба намози ҷамоаи зуҳр ба Масҷиди марказии пойтахт омада буд.
“Хеле интизор будем, душвор аст эҳсосоти даруни худро кардан. Худо ҳаргиз беморие ба мо наояд. Хоҳонем, ки доимо дарҳои масоҷид кушода бошанд”, - мегӯяд сокини дигари пойтахт Саидҷон Сатторов.
Намози зуҳри имрӯзро дар Масҷиди марказӣ муфтии кишвар Саидмукаррам Абдулқодирзода имоматӣ кард.
Пас аз назорати риояти қоидаҳои беҳдоштӣ, масъулин изҳор карданд, ки аз интизоми намозгузорон қаноатманданд.
“Барои мо, намояндагони мақомоти ваколатдор хеле ҷойи хушист, ки аксари тавсияҳои аз ҷониби мақомоти марбута ва ходимони дин пешниҳодшуда дар намози имрӯза риоя мешуданд, - гуфт ба “Азия-Плюс” сухангӯи Кумитаи дин, танзими анъана ва ҷашну маросимҳои Тоҷикистон Афшин Муқим.
Намозгузорон бо ниқобҳои тиббӣ омаданд, аксари онҳо бо худ ҷойнамозҳои шахсӣ овардаанд ва низом дар қисмати таҳоратхона хуб ба назар мерасид: пештар тавсия буд, ки хуб мешуд, агар намозгузорон дар хона таҳорат карда меомаданд”.
Қаблан мақомот гуфта буданд, агар талабот пурра риоя нашавад, эҳтимол дорад дарҳои масоҷид дубора баста шаванд.
Масҷидҳоро дар Тоҷикистон пас аз хуруҷи вируси куруно аввали моҳи марти соли 2020 баста буданд. Як муддате дарҳои масоҷид боз шуданд, вале охирҳои моҳи апрел дубора онҳоро бастанд. Ва ҳамин тавр қариб 10 моҳ диндорон наметавонистанд намози ҷаноза бихонанд.
Ахиран - ҳам вазири тандурустӣ ва ҳам раисиҷумҳур гуфтанд, ки дар Тоҷикистон вируси курона дигар нест Наздик ба як моҳ аст, ки мавридҳои сироятёбӣ ба коронавирус дигар сабти ном нашудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Ба Русия парвоз кардани тоҷикистониён кам шуда, билетҳои пештар гирифтаро бозпас медиҳанд
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Кулли ахбор
Авторизуйтесь, пожалуйста