Барои анҷоми сохтмони беморхонаи сироятӣ дар Данғара 8 млн сомонӣ равона шуд, ки барои бунёди дигар ишоот пешбинӣ гардида буданд.
Сардори Сарраёсати сохтмони вилояти Хатлон Абдувоҳид Саъдуллозода зимни нишасти хабарии 10 феврал дар ин робита изҳор намуд, ки сохтмони беморхонаи сироятӣ барои 80 кат дар Данғара идома дорад.
“Лекин бо сабаби пандемияи COVID-19 сарвазири ҷумҳурӣ Қоҳир Расулзода дастур дод, ки лоиҳа бозбинӣ ва шумори катҳо то 200 адад зиёд шавад, - гуфт ӯ. - Аз ин рӯ, мо маҷбур шудем, ки 8 млн сомонии барои дигар иншоот пешбинишударо ба сохтмони ин беморхона равона созем”.
Ӯ ҳамчунин қайд кард, ки нақшаи нави молиявии иншоотеро, ки маблағгузориашон қатъ шуд, ба Вазорати молия фиристодаанд.
“Нақшаи нави маблағгузории иншооти мазкурро ҷиҳати баррасӣ ба Вазоратҳои молия ва рушди иқтисод фиристода, умедворем, ки аз ҳисоби буҷети марказӣ маблағгузорӣ таъмин шуда, ба бунёди иншоотҳо идома медиҳем”, - гуфт вай.
Дар ҳамин ҳол, Саъдуллозода дар бораи маҳз ба кадом иншоот қатъ шудани маблағгузорӣ ва фиристодани он ба сохтмони беморхона маълумот надод.
Зимнан зикр шуд, ки соли 2020 барои сохтмони иншооти давлатӣ 12,5 млн сомонӣ маблағ равона шуд.
“Ҳамчунин бо қарори раиси вилоят иловагӣ 2 млн сомонӣ ҷудо гардида, ҳамагӣ 14,5 млн сомонӣ маблағҳо азхуд шуд”, - қайд кард номбурда.
Ба гуфтаи Саъдуллозода, то ҷашни Наврӯз ба истифода додани 4 иншоот, аз ҷумла беморхонаи сироятӣ дар Данғара, мактаби таҳсилоти миёнаи умумӣ дар Хуросон, қисмате аз бинои ҳукумати ноҳияи Панҷ ва маркази бемориҳои дил дар шаҳри Бохтар ба нақша гирифта шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста