Ҳукумати Русия тарзу усули амал оид ба ҷалби шаҳрвандони хориҷиро барои кор дар иқтисоди кишвар тасдиқ кард, хабар додаанд аз Сарраёсати амнияти минтақавии вилояти Маскав.
Интиқоли муҳоҷирон ба ҷойи кор, анҷоми расмиёти ҳуҷҷатҳои онҳо, таъмини шароити зисту хӯрок акнун ба дӯши корфармо вогузор мегардад.
“Ташкилоту корхонаҳое, ки ба ҷалби қувваи кории хориҷӣ манфиатдоранд, бояд интиқоли муҳоҷиронро ба ҷойи кор, анҷоми расмиёти ҳуҷҷатҳои онҳоро барои кор, имзои шартномаҳои меҳнатӣ, таъмин бо ҷойи зисту хӯрок, назорати онҳо пас аз омадан ба қаламрави Русия, инчунин риояи қоидаҳои санитариву эпидемиологиро аз ҷониби онҳо таъмин кунанд”, - қайд кардааст муовини раиси ҳукумати вилояти Маскав, роҳбари Сарраёсати амнияти минтақавии ин вилоят Роман Каратаев.
Тарзу усули ин амал аз ҷониби Вазорати меҳнат ва ҳифзи иҷтимоии Русия таҳия шуда, дар доираи он ташкилоту корхонаҳои манфиатдор ба ҷалби муҳоҷирони меҳнатӣ метавонанд барои ин кор мустақилона ба низоми иттилоотӣ-таҳлилии «Общероссийская база вакансий «Работа в России» дархост дар ин бора пешниҳод намоянд.
Мақомоти ваколатдор оид ба амалисозии ин чорабиниҳо Сарраёсати амнияти минтақавӣ ва Вазорати рушди иҷтимоӣ таъин шудаанд.
Дар ин мақомот зикр кардаанд, ки бар асари тадбирҳои маҳдудкунӣ соли 2020 дар қаламрави вилоят норасоии захираҳои меҳнатӣ дар соҳаҳои гуногуни иқтисоди вилоят ба вуҷуд омадааст.
Гуфта мешавад, барои кор дар соҳаи сохтмон ва хоҷагии манзилӣ-коммуналии минтақа ҳудуди 10 ҳазор нафар муҳоҷирони корӣ заруранд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста