Дар 16 мактаби таҳсилоти миёнаи умумии Душанбе имрӯз, 7 апрел маъракаи ваксинзании омӯзгорон ва ҳайати кормандони техникӣ оғоз мешавад, хабар дод ба “Азия-Плюс” як манбаъ аз шаҳрдории пойтахт.
Бино ба гуфтаи ӯ, маъракаи ваксиназанӣ тадриҷан дар ҳамаи 151 мактаб ва 138 кӯдакистони шаҳр гузаронида мешавад.
“Дар Душанбе ваксинагирии ҳудуди 10 ҳазор нафар омӯзгор ва 30 ҳазор корманди кӯдакистонҳо аз коронавирус дар назар аст”, - иттилоъ дод манбаъ.
Қобили зикр аст, ки маъракаи воксинзанӣ дар Тоҷикистон 23 март шурӯъ шуд. Ба шаҳрвандон дар муддати 2 моҳ 2 воя (доза)-и ваксинаи Astra-Zeneca гузаронида мешавад.
Ёдрас мекунем, ки мутобиқи Барномаи COVAX Тоҷикистон 192 ҳазор вояи воксинаи Astra-Zeneca гирифт. Дар доираи ин барнома бояд 10%-и аҳолии Тоҷикистон - 1,8 млн нафар ваксина гиранд.
Ба гурӯҳи шахсони осебпазир кормандони соҳаи тандурустиву маориф ва як қатор дигар бахшҳои иҷтимоӣ шомиланд. Гуфта мешавад, ваксинагирӣ бепул ва ихтиёрӣ аст.
Дар ҳамин ҳол, бархе аз муаллимони мактабҳои шаҳри Душанбе мегӯянд, ба онҳо гуфтаанд ҳатман бояд аз коронавирус ваксина гиранд.
“Дар маҷлис гуфтанд, ки моро ваксина мезананд ва мо мехоҳем ё не, ҳама бояд ваксина гирад”, - гуфт ба “Азия-Плюс” яке аз омӯзгорони мактаби таҳсилоти умумӣ аз ноҳияи Сино, ки нахост ному насабаш ифшо шавад.
Лекин сардори Раёсати Хадамоти санитарӣ-эпидемиологии Вазорати тандурустӣ Наврӯз Ҷаъфаров ба “Азия-Плюс” изҳор намуд, ки “ваксингирӣ аз коронавирус ихтиёрӣ буда, ба муаллимон танҳо бо хоҳиши худашон ваксина гузаронида мешавад”.
“Ваксинзанӣ маҷбурӣ нест, лекин аз ҳама аввал саломатӣ аст. Муаллимон бо кӯдакону наврасон ва дар умум бо аҳолӣ сарукор доранд. Лекин тавре ки пештар гуфтам, ин ихтиёрист”, - илова кард вай.
Қаблан зимни нишасти матбуотӣ акнун собиқ муовини вазири тандурустӣ Самариддин Ализода низ изҳор дошта буд, ки шаҳрвандони Тоҷикистон бепул ва ихтиёрӣ аз кадом ваксина эм гирифтанро худашон интихоб мекунанд.
Мебояд гуфт, то имрӯз дар Тоҷикистон танҳо як ваксинаи Oxford-AstraZeneca-и истеҳсоли Ҳиндустон ба қайд гирифта шуда, дар Созмони ҷаҳонии тандурустӣ таҳти унвони CoviShild сабт шудааст.
То имрӯз дар Душанбе ба беш аз нисф (51,5%)-и кормандони соҳаи тандурустӣ - 26,3 ҳазор нафар ин ваксин гузаронида шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Кулли ахбор
Авторизуйтесь, пожалуйста