Бемории зукоме, ки дар Тоҷикистон айни ҳол чарх мезанад, зукоми мавсимӣ буда, ҷойи нигаронӣ надорад ва ҳоло Тоҷикистон дар мавсими дуввуми бемории зукоми мавсимӣ қарор дорад, ки бо сабаби тағйир ёфтани обу ҳаво метавонад ба таври шадид гузарад. Дар ин бора ба «Азия-Плюс» мудири Пажуҳишгоҳи тибби профилактикии Тоҷикистон Муродалӣ Рӯзиев иттилоъ дод.
Ин мутахассис сару садоҳои бархоста миёни мардумро рад карда мегӯяд, ки ин як зуком мавсимист, ки набояд хавотир шуд.
«Бемории зуком ҳамасола дар ҳафтаи 40-уми сол, яъне моҳи октябр оғоз гардида, то ҳафтаи 20-уми соли дигар — охири моҳи апрел идома меёбад. Ҳоло дар кишвари мо бештар зукоми намудҳои А (H1N1 ва H3N2) ва В ба қайд гирифта шуда, ин ду намуди вируси зуком фаъол шудаанд», - гуфт Рӯзиев.
Директори Пажӯҳишгоҳи тибби профилактикии Тоҷикистон ҳамчунин мегӯяд, ки ҳоло байни мардум сару садоҳои зиёде дар мавриди зуком паҳн гардидааст, ки гӯё нисбат ба солҳои қаблӣ беморӣ шадидтар ва бо нишонаҳои дигар сар задааст. Вале номбурда мегӯяд, ин зуком мисли пешинаҳо буда, ҳамасола дар Тоҷикистон сабти ном мешавад.
Ӯ инчунин гуфт, ки баъди бемории коронавирус мардум ба ҳар гуна овозаҳо бовар карда, ба онҳо гӯш медиҳанд, ки беморӣ нисбат ба солҳои гузашта бештар буда, нигаронкунанда аст. «Вале боз такрор мекунам, ки ин бемории зукоми мавсимӣ аст ва ҳамасола дар мо ба қайд гирифта мешавад. Бемории зукоме, ки ҳоло ҳаст, нисбат ба солҳои гузашта зиёд нашудааст, муқаррарист».
Ҳамзамон Рӯзиев, тавсия медиҳад, ки барои сироят накардани наздикони худ, бемор метавонад аз ниқоб истифода барад, чун зуком аз шахси бемор тавассути сулфаю атса зуд ба атрофиён паҳн мешавад. Ва ҳатман бемор ба духтури оилавии худ муроҷиат намуда, ба худтабобаткунӣ машғул нашвад.
Ӯ иловатан гуфт, ки бо мақсади пешгирии бемории зуком миёни кормандони соҳаи тандурустӣ соли 2020 аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо маблағҳои ҷудонамудаи буҷети ҷумҳуриявӣ 5 ҳазор вояи воксини севалентаи зидди зуком харидорӣ шуд.
Ин ваксина ба муассисаҳои табобатию профилактикии ҷумҳуриявӣ ва минтақаҳо дастрас гардид. Ғайр аз ин, бо дастгирии Созмони умумиҷаҳонии тандурустӣ низ барои бо воксинзанӣ фаро гирифтани кормандони соҳа боз 20 ҳазор вояи ваксинаи зидди зуком ба ҷумҳурӣ ворид ва ба муассисаҳои соҳа тақсим карда шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста