Ҳукумати Тоҷикистон дастур дод, ки мактубҳои табодулӣ оид ба татбиқи “Лоиҳаи қисматҳои қитъаи калидии марҳилаи дуюми лоиҳаи сохтмони роҳи автомобилгарди Душанбе-Қулма” барои тасдиқ ба палатаи поёнии парлумон фиристода шавад.
Ин ҷо гап сари қитъаи ин роҳ аз Қалъаи Хумб то Ванҷ ва сарҳади ноҳияи Рӯшон меравад, ки яке аз қисматҳои душворгузари роҳи мошингарди Душанбе-Қулма шуморида мешавад.
Дар қарори дар портали маълумоти ҳуқуқии Вазорати адлия нашршуда гуфта мешавад, мактубҳои мубодилавӣ 21 майи ҳамин сол имзо шудаанд. Дигар ягон маълумоти иловагӣ, аз ҷумла матни мактубҳои мубодилавӣ оварда нашудааст.
Қаблан, моҳи октябри соли 2019 зикр гардида буд, ки палатаи поёнии парлумони Тоҷикистон созишномаро дар бораи аз ҷониби Чин ҷудо гарддани кумаки бебозгашт ба маблағи ҳудуди 360 млн доллар тасдиқ намуд, ки қисмате аз ин маблағ барои таъмиру навсозии қитъаи 96-километрии ин роҳ пешбинӣ гардида буд.
Гуфта мешуд, созишнома 15 июни соли 2019 зимни сафари раиси Чин Си Ҷинпин ба Тоҷикистоназ ҷониби ҳукуматҳои ҳар ду кишвар имзо шудааст.
Моҳи августи соли гузашта президенти мамлакат Эмомалӣ Раҳмон зимни мулоқот бо роҳбарону фаъолон ва сокинони ноҳияи Ванҷ изҳор дошт, ки корҳои таъмиру навсозии роҳи Қалъаи Хумб - Ванҷ то охири соли 2020 оғоз мегарданд.
Президент зикр кард, ки паҳншавии пандемияи каронавирус корҳои вобаста ба имзои санадҳои дахлдорро доир ба амалисозии лоиҳаи корҳои таъмиру навсозии роҳи мошингарди Қалъаи Хумб - Ванҷ ба таъхир андохт ва таъкид дошт, ки барои таъмиру таҷдиди ин қитъаи роҳ 2 млрд сомонӣ (зиёда аз 190 млн доллар бо қурби миёнаи соли 2020) равона мегардад.
То ин дам, охири соли 2019 президент зимни ироаи паём ба парлумон аз кори КВД “Пажӯҳишгоҳи илмӣ-тадқиқотӣ ва лоиҳакашӣ-таҳқиқотӣ” изҳори норозигӣ намуда, қайд кард, ки “чор сол инҷониб барои таҷдиди роҳи Қалъаи Хумб-Ванҷ як лоиҳаи муносиб омода карда наметавонанд”.
Ӯ таъкид дошт, ки ҳанӯз моҳи январи соли 2015 ба таҳияи лоиҳаи корҳои таъмиру навсозии қитъаи роҳи Душанбе-Қулма дастур дода буд.
Дар назар аст, ки ба корҳои таъмиру таҷдиди ин қитъаи роҳ яке аз ширкатҳои сохтмони Чин машғул хоҳад шуд, ки бар асоси озмун интихоб мешавад.
Дар доираи корҳои таҷдид дар ин қитъа сохтмони роҳи духатаи дараҷаи 3-юми техникӣ, ҳамчунин бунёди ду нақб (масофаашон 5,2 км), айвончаҳои муҳофизат аз тармафароӣ (галереяҳо) бо масофаи умумии 490 метр, 15 пул (масофаашон 634 метр) ва дигар иншоот ба нақша гирифта шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста