Зарифмои азиз!
Мусоҳибаи туро бо мухбири «Азия Плюс» хонда ашкам равон шуд.
Чӣ қисмате. Гумон мекунӣ бузургтарин филмноманавис сенарияашро навишта. Даҳшатҳои солҳои ҷанги шаҳрвандӣ. Муҳоҷират аз ночорӣ. Fурбат. Оворагӣ дар мамлакати бегона. Ҷустуҷӯи роҳи наҷот…
Омӯзиш, кор, пайкор. кушоишҳо. Ва ғалаба бар сахтиҳои тақдир. Чашидани шаҳди меваи орзу…
Ҳамаи ин дар як назар бо нақли як модари тоҷик ба як хабарнигор мегузарад. Аммо ба гуфтан осон аст. Чӣ қадар ашку хандаҳо, дарду дармонҳо, шабу рeзони сиёҳу сафед пинҳонанд паси ин ҳарфҳо….
Зарифмои нотакрор ва беназир! Офарин ба ту, ба матонат ва сабру таҳаммулат. Худованд муъҷизаҳояшро дар тимсоли ту ва онҳое, ки мисли ту беназиранд, нишон медиҳад. Барои хешовандон, ҳамватанон, дӯстон, душманон, барои ҳамаи мардуми олам, ки биомӯзанд орзу карданро, дӯст доштанро, зинда буданро.
Ва бидонанд, ки ҳамеша роҳи ҳалли мушкилот ҳаст. Ба қавли Аллома Иқболи Лоҳурӣ «Зиндагӣ дар садафи хеш гуҳар сохтан аст»
Дар бораи ту, духтари донову ояндасозат Дилафрӯз зиёд менависанд. Имрӯз, фардоҳо..
Ман ҳам дар ин мавзӯъ гуфтании бисёр дорам, аммо ҳоло бо чанд савол ин номаи худро ба охир мерасонам, зеро мехоҳам он таманное, ки дар дил ҳамчун як ҳамватани ту дорам, бо чашмони худ бубинам. Дар симои ту ва аҳли оилаи арҷмандат.
Зарифмо,
Боре ту эҳсос кардӣ, ки дар Бадахшон аввалин гӯяндаи телевизион буданат аввалин симо дар ҳамаи телевизионҳои олам намудат?
Оё дарк намудӣ, ки лаҳзаи дар фурудгоҳ писараки кӯчаки ту дар акси рангине аз китобе дар байни ашёи пошхурда ояндаи рангини падару модар ва пайвандонашро дида?
Ва ту бовар дорӣ, ки пайвандоне аз ҳамон нафароне, ки шиносномаатро дида бедардона «помирӣ…» гуфтанд, имрӯз дар куҷое бо акси ту ё духтарат, ҳамоне, ки дар кишваре чун Амрико ба пояҳои баланди идорӣ расидааст ва бо чеҳраи ориёии худ менозаду бо шеваи шуғнӣ ҳарф мезанад, вомехӯранду ифтихор мекунанд: « Тоҷик аст. Аз Бадахшони мо. Аз табори Шириншо Шотемур.»
Оё медонӣ, ки дар зодгоҳат, дар Тоҷикистони азизат ҷои туву ҳамсари муҳандисат ва пайвандони сарбаландат ҳамеша холист?...
Ва оё медонӣ, ки он пайкарае,ки дар тахайюл барои духтари тоҷик, модари тоҷик сохтаӣ ва мехоҳӣ дар Ватан бапо созӣ,
пайкараи худи туст?
Пайкараи Модаре дар баландӣ ҳампояи Боми Ҷаҳон, Бадахшони Тоҷикистон.
Бо дуруд Толиб Карими Озарахш.
Шоири халқии Тоҷикистон.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста