Дар доираи амалисозии лоиҳаи «Корвони саломатӣ”, ки дар асоси Созишномаи грантӣ байни ҳукумати Тоҷикистон ва Бонки Авруосиёгии Рушд аз тарафи Маҷлиси намояндагони Маҷлиси Олии Тоҷикистон соли 2019 тасдиқ шудааст, 10 август дар Маҷмааи тандурустии “Истиқлол” маросими расмии супоридани маҷмӯи нақлиёти сайёри тиббӣ баргузор шуд.
Бино ба иттилои Вазорати тандурустии ҶТ, дар маросими қабули нақлиётҳои махсуси сайёр вазири тандурустӣ Тоҷикистон Ҷамолиддин Абдуллозода, иҷрокунандаи директори блоки лоиҳавии Фонди Авруосиёгии стабилизатсия ва рушд Андрей Широков, намояндагони вазоратҳои корҳои хориҷӣ ва молияи Тоҷикистон, намояндаи сафорати Русия дар Тоҷикистон ва намояндагони ВАО иштирок намуданд.
Вазири тандурустӣ Тоҷикистон аснои суханронии хеш аз номи ҳукумати ҷумҳрӣ ба шарикони рушд ҷиҳати дастгирии пайвастаи соҳа изҳори миннатдорӣ баён намуда, иброз дошт, ки дастрас гардидани чунин маҷмуи нақлиёти сайёри тиббӣ дар самти беҳтар намудани сатҳ ва сифати хизматрасонии тиббӣ ба аҳолии мамлакат нақши муҳим хоҳанд бозид.
Тавре иттилоъ дода шуд, нақлиётҳои махсуси сайёр аз чор модул, аз ҷумла чор маҷмӯъ иборат буда, бо таҷҳизоти муосири тиббӣ, аз қабили таҷҳизоти ренгтенӣ, ташхисӣ, стомотологӣ ва дигар лавозимоти зарурии тиббӣ таҷҳизонида шудааст.
Гуфта шуд, ки дар шароити куҳистон чунин нақлиётҳои муосири сайёр метавонанд мушкилии беморонро боз ҳам осон намоянд ва онҳоро ба ташхис фаро бигиранд.
Бо дарназардошти он, ки дар раванди татбиқи лоиҳа ҷалби кормандони беморхонаҳои клиникии вилоятҳои Хатлону Суғд ҷиҳати гузаронидани муоинаи тиббӣ пешбинӣ шудааст, дар қисмати мазкур таъсиси шўъбаи хизматрасонии сайёри мобилӣ дар назди беморхонаҳои клиникии вилоятии вилоятҳои Хатлону Суғд пешбинӣ шудааст.
Дар доираи татбиқи лоиҳа истифодаи таҷҳизоти дохилимобилӣ ба миён омада, бо назардошти ин, баргузории даври омўзишӣ оид ба истифода ва нигоҳубини он барои кормандони шўъбаи хизматрасонии сайёри мобилӣ дар назди беморхонаҳои клиникии вилоятии вилоятҳои Хатлону Суғд ва ҳамзамон давраҳои омўзишӣ барои мутахассисони муассисаҳои кўмаки аввалияи тиббию санитарӣ, бунгоҳҳои тиббии ноҳияҳои дурдасти минтақаҳои таҷрибавӣ оид ба масъалаҳои марбут ба беҳтаркунии хизматрасонӣ дар назар гирифта шудааст.
Татбиқи лоиҳаи мазкур дар вилоятҳои Хатлон ва Суғд пешбинӣ гардида, он бо мақсади пешгирӣ ва муайян намудани бемориҳо дар байни аҳолии деҳот ва маҳаллаҳои дурдаст ва ҳамзамон ба баланд бардоштани фарҳанги тиббии ҷомеа нигаронида шудааст.
Ҳамзамон, бо мақсади баланд бардоштани иттилоотнокии аҳолӣ дар доираи татбиқи лоиҳа дастрас намудани маводҳои иттилоотӣ (буклетҳо ва овезаҳо) ба муассисаҳои тиббӣ ва аҳолӣ, таҳияи барномаҳои телевизионӣ ва видеороликҳо оид ба пешгирӣ ва табобати бемориҳо, таҳкими кор бо ҷомеа, бахусус кор бо дастаҳои ҷомеавӣ ба назар гирифта шудааст.
Маблағи умумии лоиҳа 2,06 млн. доллари амрикоиро ташкил дода, аз он 2,0 млн. доллари амрикоӣ маблағҳои грантии Фонди Авруосиёгии стабилизатсия ва рушд ва 60,0 ҳазор доллари амрикоӣ ҳамчун саҳми ҳукумати Тоҷикистон аз ҳисоби маблағҳои пешбинишудаи соҳаи тандурустӣ мебошад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста