Имрӯз дар Душанбе истифодаи навгониҳо (инноватсия) ва технологияҳои рақамиро дар комплекси агросаноатӣ баррасӣ мекунанд. Баррасии масъала дар доираи чорабинии “Маҷлиси иқтисодӣ дар Душанбе” (29-30 ноябр) сурат мегирад. Чорабинӣ аз ҷониби Ҷамъияти ҳамкории байнулмилалии Олмон (GIZ) созмон дода шудааст.
Иштирокчиёни чорабинӣ, аз ҷумла Лоиҳаи рушди маҷмӯавӣ (комплексӣ)-и рушди ноҳияҳои деҳот (IRDP)-ро, ки дар он мусоидат ба рушди фарогир (инклюзивӣ)-и иқтисоди деҳот баҳри некӯаҳволии мардум (TRIGGER) пешбинӣ шудааст, баррасӣ мекунанд.
Арзиши лоиҳа 29,5 млн евроро ташкил медиҳад, ки 20 млн евро саҳми Иттиҳоди Аврупо ва 9 млн евро - саҳми Вазорати федералии ҳамкории иқтисодӣ ва рушди Олмон мебошад.
Ҳадаф аз татбиқи лоиҳа ҷорӣ намудани зеҳни сунъӣ дар бахши кишоварзӣ унвон шуда, анҷоми он соли 2024 дар назар аст.
Маҷлиси иқтисодӣ дар Душанбе аз соли 2014 гузаронида мешавад. Ҳадафи он фароҳам овардани замина (платформа)-е мебошад, ки иштирокчиён аз сохторҳои давлатӣ, бахши хусусӣ, ассотсиатсияҳои тиҷоратӣ ва доираҳои академӣ тавонанд оид ба масъалаҳои муҳими иқтисодӣ озодона мубодилаи афкор дошта бошанд.
Маҷлиси иқтисодӣ-2021 вохӯрии ҳафтум мебошад. Имсол он дар шакли гибридӣ гузаронида шуда, қисмате иборат аз 100 нафар бо ҳузури бевосита ва қисмати дигар - бо таври маҷозӣ (виртуалӣ) дар он иштирок мекунанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.