Дар Тоҷикистон гузоштани арчаи солинавӣ дар мактабҳои миёна манъ шуд. Ин тасмимро дар раёсати маорифи шаҳри Душанбе ба "Азия-Плюс" таъйид карданд. Аммо аз ин ниҳод гуфтанд, ки гузоштаи арчаи солинавӣ дар боғчаҳо иҷозат аст.
Дар шабакаҳои иҷтимоӣ дар авоили моҳи декабр, чун анъана, баҳс дар бораи баргузории ҷашнҳои солинавӣ дар мактабҳо ва муассисаҳои томактабии Тоҷикистон оғоз шуд. Бархе аз волидон ва хонандагон умедвор буданд, ки ба онҳо ҷашнгирии солинав иҷоза дода мешавад.
Раёсати маорифи шаҳри Душанбе мегӯяд, ки ба ифтихори Соли Нави мелодӣ барномаҳои солинавӣ на танҳо дар мактабҳои таҳсилоти ҳамагонӣ гузаронида мешавад, имкон дорад, ки озмунҳои фарҳангӣ ва шеърхониву расмкашӣ баргузор шавад. Вале ин бояд дар доираи дарсҳои тарбиявӣ гузаронида шаванд.
Асомиддин Бобозода, муовини сардори Раёсати таҳсилоти томактабӣ ва миёнаи шаҳри Душанбе мегӯяд, ҳарчанд барномаҳои ҷашнӣ дар дарсҳои тарбиявӣ иҷозат шуда боша, вале насб кардани арчаии солинавӣ дар мактабҳо манъ шудааст.
"Ин ҳама ба хотири таъмини амнияти кӯдакон ва ҷилавгирӣ аз издиҳом ва аз ҳар гуна омиле, ки ба раванди таълим халал мерасонад, анҷом дода шудааст",-гуфт Бобозода.
Номбурда афзуд, ки то ҳоло дар чаҳор ноҳияи Душанбе арчаҳои солинавӣ гузошта шуда, барномаҳои тафреҳӣ роҳандозӣ шудаанд, то мактаббачагон бо волидонашон истироҳат кунанд. Аммо дар муассисаҳои томактабӣ омода намудани барномаҳои солинавӣ ва гузоштани арчаҳои солинавӣ маҳдудияте вуҷуд надорад, - гуфт Бобозода.
Ҳамчунин дар Вазорати маориф ва илми Тоҷикистон «Азия-Плюс» хабар доданд, ки дар мавриди маҳдудиятҳо ё иҷозати насби арчаи ҷашнӣ соли равон дар ин бора супориши нав ворид нашудааст.
Ёдовар мешавем, ки аз соли 2012 Вазорати маориф ва илм мухолифи таҷлили соли нави милодӣ дар мактабҳо буд. Қаблан вазорат тасмими худро бо дархости волидайне, ки аз ҷамъоварии маблағ дар рӯзҳои таҷлили солинавӣ шикоят кардаанд, марбут дониста буд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста