Маҳмадалӣ Муҳаммадиев ҳунарманди саршиноси синамову театри тоҷик, субҳи имрӯзи 7-уми январи соли 2022, бар асари беморие, ки дошт, дар сини 76-солагӣ даргузашт. Дар ин бораи наздикони ҳунарманд ба "Азия-Плюс" хабар доданд.
Маросими видоъ ва намози ҷанозаи марҳум, намози пешин дар масҷиди маҳаллаи Роҳи Оҳани Душанбе, дар пушти Истгоҳи марказии Роҳи Оҳан баргузор мешавад.
Маҳмадалӣ Муҳаммадиев, 10-уми марти соли 1946 дар ноҳияи Дарвози ВМКБ таваллуд шуда, хатмкардаи Институти театру кинои Маскав (1971) буд.
Иттиҳодияи синамогарони кишвар ҳам дар як паёми сӯгворӣ даргузашти ин ҳунармандро таслият гуфтааст.
"Даргузашти ҳунарпешаи театру кинои тоҷик Маҳмадалӣ Муҳаммадиев , чеҳраи зебову ғаюри синамоии мо боиси таасуф аст. Иттифоқи синамогарони Тоҷикистон ба пайвандон ва ҳамкасбони мутавафо изҳори таслият ва ҳамдардӣ менамоянд. Руҳашон шод ва хонаи охираташон обод бошад!",-омаддаст дар ин сӯгнома.
Муҳаммадиев пас аз хатми донишкада, дар Театри давлатии академӣ-драмавии ба номи Лоҳутӣ ва Театри давлатии ҷавонони ба номи Маҳмудҷон Воҳидов кор карда, як силисла нақшҳо офаридааст.
Дар идома Муҳаммадиев, сипас бештари нақшҳои худро дар кино офарида, аксар муассисаҳои филмистеҳсолкунии собиқ ҷамоҳири шӯравӣ аз ҳунари хосааш фоида бурда, то дами марг ин ҳамкориҳоро идома медод.
Нақшҳои офаридааш дар филмҳои бадеии «Одам пӯсташро иваз мекунад», «Шикори охирин» («Тоҷикфилм»), «Хайр кабудии тобистон», «Тали мамнӯъ» («Узбекфилм»), «Ситораҳо дар шаб», «Соя» («Туркманфилм») ва чандин филмҳои дигар дар Маскаву Кишинев. Ин ҳунарманди фақид дар филмҳо ва намоишномаҳои телевизонии ватанӣ аз қабили «Парвози хушдоманам», «Сабзабаноз», «Қисмат», «Фиреби хаёл», «Шифо», «Чакидаҳо» ва ғайра низ нақшҳои хотирмон бозидааст.
Муҳаммадиев аз соли 1982 узвияти Иттиҳодияи синамогарони Иттиҳоди Шӯравиро дошт ва барандаи чандин ҷоизаҳои байналмилаливу миллӣ дар бахши синамо буд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста